KEKSALARNING MASLAHATI — HAR IShNING FAYZU BAROKATI
KEKSALARNING MASLAHATI — HAR IShNING FAYZU BAROKATI Aholini o‘ylantirib kelayotgan dolzarb hayotiy masalalarni o‘rganish va ularni ijobiy hal etishda faol ishtirokini ta’minlash maqsadida Surxondaryo viloyati hokimligi huzurida “Oqsoqol - nuroniylar maslahat kengashi” ish boshladi. Unga viloyat “Mahalla” xayriya jamoat fondi, “Nuroniy” jamg‘armasi faollari, mehnat faxriylari va nodavlat notijorat tashkilotlar vakillari kiritildi. Kengash a’zolari bilan o‘tkazilgan muloqotda hududlardagi ijtimoiy ahamiyatga ega masalalarini hal qilishda u fuqarolar va davlat organlari o‘rtasida o‘ziga xos ko‘prik vazifasini bajarishi lozimligi aytildi. O‘rganish jarayonida aniqlangan bu muammolar davlat organlari vakillari ishtirokida atroflicha muhokama etilishi, kengash tomonidan beriladigan taklif va tavsiyalar asosida tegishli qarorlar qabul qilinib, ularning ijrosi bo‘yicha viloyat hokimligi va maslahat kengashi nazorati ta’minlanishi ta’kidlandi. Shuningdek, mazkur kengash viloyatda to‘y-hashamlarni tartibga solish, oilalar mustahkamligini ta’minlash, yoshlarni turli salbiy ta’sirlardan saqlash, band bo‘lmagan fuqarolarni ijtimoiy-foydali mehnatga jalb etish bo‘yicha tushuntirish-targ‘ibot ishlarini olish borishni ham o‘z oldiga maqsad qilib qo‘ygan. Muloqot so‘ngida “Oqsoqol - nuroniylar maslahat kengashi” a’zolariga viloyat hokimligining esdalik sovg‘alari topshirildi. Eslatib o‘tamiz, Prezidentimizning joriy yil 4 iyuldagi “Davlat organlari huzurida jamoatchilik kengashlari faoliyatini tashkil etish chora-tadbirlari to‘g‘risida”gi qaroriga muvofiq, hozirda viloyatda ijtimoiy-iqtisodiy rivojlanish va qishloq xo‘jaligi sohasida amalga oshirilayotgan ishlar natijadorligi tizimli o‘rganib, tahlil qilib boradigan yana ikkita Jamoatchilik kengashi samarali faoliyat olib bormoqda.
KEKSALARNING MASLAHATI — HAR IShNING FAYZU BAROKATI

Muallif:
Matbuot xizmati
16
noya
0
AFG‘ONISTONNING JAUZJON VILOYATI DELEGATSIYASI BILAN UChRASHUV
AFG‘ONISTONNING JAUZJON VILOYATI DELEGATSIYASI BILAN UChRASHUV Bugun viloyat hokimligida Afg‘onistonning Jauzjon viloyati hokimi Lutfullo Aziziy boshchiligidagi bir guruh tadbirkorlardan iborat delegatsiya a’zolari bilan uchrashuv bo‘lib o‘tdi. Uchrashuvda mamlakatlarimiz o‘rtasidagi hamkorlikka keng yo‘l ochilgani Surxondaryo hamda Jauzjon viloyatlari o‘rtasida to‘g‘ridan-to‘g‘ri savdo-iqtisodiy va sarmoyaviy aloqalarini yo‘lga qo‘yishga zamin yaratayotgani ta’kidlandi. Viloyatimizning iqtisodiy va eksport salohiyati, investitsiyaviy muhit, sarmoya jalb etish bo‘yicha puxta va ishonchli strategiyasi haqida ma’lumotlar berildi. O‘z navbatida qo‘shni mamlakat delegatsiyasi a’zolari Surxondaryoda iqtisodiyotning turli tarmoqlarini rivojlantirish bo‘yicha amalga oshirilayotgan sa’y-harakatlar hamda investorlar va tadbirkorlar uchun yaratilgan qulay shart sharoitlar va imtiyozlarni yuqori baholab, “Termiz kargo” xalqaro intermodal logistika markazi hamda chegaradosh mamlakatlar, xususan Afg‘oniston Islom Respublikasi bilan samarali savdo va transport-logistika aloqalarini yanada rivojlantirish maqsadida barpo etilayotgan “Termiz” erkin iqtisodiy zonasi faoliyatiga katta qiziqish bildirishdi. Uchrashuv yakunida barcha sohalarda ikki tomonlama aloqalarni rivojlantirish va sheriklik munosabatlarini yanada mustahkamlashga kelishib olindi.
AFG‘ONISTONNING JAUZJON VILOYATI DELEGATSIYASI BILAN UChRASHUV

Muallif:
Matbuot xizmati
16
noya
0
DENOVGA YANGI HOKIM TAYINLANDI
Xalq deputatlari Denov tumani Kengashining bugun o‘tkazilgan navbatdan tashqari sessiyasida Ibatov Baxtiyor Kenjayevich tuman hokimi etib tasdiqlandi. Baxtiyor Ibatov yangi lavozimga Denov tumanini 2017 yilning oktyabr oyidan buyon boshqarib kelayotgan Qosimov Ulug‘bek Berdiqobilovichning o‘rniga tayinlandi.Ulug‘bek Qosimov joriy yilning 8 noyabridan Surxondaryo viloyati prokurori lavozimida ish boshladi. Baxtiyor Ibatov 2016 yil dekabridan buyon Angor tumanini boshqarib kelayotgan edi. U bundan avval Qiziriq tumani hokimi, shuningdek, prokuratura tizimida turli lavozimlarda faoliyat ko‘rsatgan . Avval xabar qilganimizdek, Angor tumaniga joriy yilning 10 noyabridan viloyat ekologiya va atrof-muhitni muhofaza qilish boshqarmasi boshlig‘i lavozimida ishlagan Turapov Usmon Yangibayevich hokim vazifasini bajaruvchi bo‘ldi. Xalq deputatlari Denov tumani Kengashining navbatdan tashqari 48-sessiyasida Surxondaryo viloyati hokimining birinchi o‘ribosari T.Bobolov ishtirok etdi va so‘zga chiqdi.
DENOVGA YANGI HOKIM TAYINLANDI

Muallif:
Matbuot xizmati
10
noya
+5
XALQ DEPUTATLARI ANGOR TUMANI KENGASHINING NAVBATDAN TASHQARI SESSIYASI BO‘LIB O‘TDI
Xalq deputatlari Angor tumani Kengashining bugun o‘tkazilgan navbatdan tashqari sessiyasida Surxondaryo viloyati hokimi vazifasini bajaruvchi Bahodir Po‘latov, tuman Kengashi deputatlari, viloyat va tuman hokimliklari vakillari, korxona va tashkilotlari rahbarlari ishtirok etdi. Yig‘ilishda tumanni har tomonlama rivojlantirish yo‘lida amalga oshirilayotgan ishlar, qo‘lga kiritilgan yutuqlar, kelgusida bajarilishi lozim bo‘lgan ishlar haqida so‘z yuritildi. Sessiyada tashkiliy masala ko‘rildi. Ibatov Baxtiyor Kenjayevich boshqa ishga o‘tganligi munosabati bilan Angor tumani hokimi vazifasidan ozod qilindi. Viloyat ekologiya va atrof-muhitni muhofaza qilish boshqarmasi boshlig‘i lavozimida ishlab kelayotgan Turapov Usmon Yangibayevich Angor tumani hokimi vazifasini bajaruvchi etib tasdiqlandi. Sessiyada so‘zga chiqqanlar tumanni ijtimoiy-iqtisodiy rivojlantirish, mavjud imkoniyat va resurslardan samarali foydalanish borasida tuman faollari oldida turgan dolzarb vazifalar aniq ko‘rsatib berilgani, ana shu amaliy ko‘rsatmalar asosida ishni to‘g‘ri tashkil etib, hamjihatlik bilan mehnat qilish va ko‘zlangan marralarga erishish zarurligini alohida ta’kidladilar. Yig‘ilishda O‘zbekiston Respublikasi Prezidenti Administratsiyasi vakillari ham qatnashdi.
XALQ DEPUTATLARI ANGOR TUMANI KENGASHINING NAVBATDAN TASHQARI SESSIYASI BO‘LIB O‘TDI

Muallif:
Matbuot xizmati
10
noya
+3
QULAY FURSATNI BOY BERMANG ISHBILARMON INVESTORLAR!
Joriy yilning 11 oktyabr kuni O‘zbekiston Respublikasi Prezidentining “Davlat mulki ob’ektlarini va yer uchastkalariga bo‘lgan huquqlarni tadbirkorlik sub’ektlariga sotish tartibini soddalashtirish bo‘yicha qo‘shimcha chora-tadbirlar to‘g‘risida”gi 5552-son Farmoni qabul qilindi. Farmonga muvofiq, endilikda, savdolarga chiqarilgan davlat mulki ob’ektlari – Qoraqalpog‘iston Respublikasi Vazirlar Kengashi raisi va viloyatlar hokimlari tomonidan o‘z vakolatlari doirasida aniqlangan ko‘chmas mulk ob’ektlari investitsiyaviy va ijtimoiy majburiyatlarni belgilagan holda - 1 so‘mga teng qiymatdagi boshlang‘ich narxda sotilishi belgilandi. Shuningdek, boshqa ko‘chmas mulk ob’ektlari bo‘yicha – qayta baholanmasdan, ularni o‘tkazish kunidagi savdolarda shakllangan narxda “E-IJRO AUKSION” elektron savdo maydonchasiga o‘tkaziladi va savdoga chiqariladi.  Investitsiyaviy loyihalarni amalga oshirish uchun auksion o‘tkazmasdan, investor bilan to‘g‘ridan-to‘g‘ri muzokaralar orqali investitsiyaviy hamda ijtimoiy majburiyatlar belgilagan holda yer uchastkalarini berish va bo‘sh turgan davlat ko‘chmas mulk ob’ektlarini belgilagan holda sotib olish imkoniyati ham tug‘ildi.  Unga ko‘ra, tegishli davlat idoralari tomonidan davlat mulki ob’ektlari va yer uchastkalariga bo‘lgan huquqlarni sotish tartibini soddalashtirish bo‘yicha eksperiment tartibi belgilandi.
QULAY FURSATNI BOY BERMANG ISHBILARMON INVESTORLAR!

Muallif:
Matbuot xizmati
07
noya
+2

 *
© Surxondaryo viloyati hokimligi rasmiy sayti
www.uz
Sayt muallifi: "Axborot-kommunikatsiya texnologiyalarini rivojlantirish markazi" DUK