Сурхондарё вилояти ҳокими Т.Боболов Маҳалла ва оилани қўллаб-қувватлаш вазири Р.Маматов, вилоят прокурори С.Турдиев билан биргаликда Сариосиё туманидаги шароити оғир ҳудудлардан бири бўлган “Келажак сари” маҳалласида аҳоли мурожаатларини тинглади.

Маҳаллада 5625 нафар аҳоли истиқомат қилади. Ўрганишлар натижасида фуқароларнинг 19 нафари “Темир дафтар”, 15 нафари “Аёллар дафтари” ва 103 нафари “Ёшлар дафтари”га киритилган. Учрашув чоғида эҳтиёжманд фуқароларнинг бандлиги таъминлаш, уларни ҳар томонлама қўллаб-қувватлашга эътибор қаратилди.

Мулоқот давомида маҳалла ички йўлларини таъмирлаш, сифатли ичимлик суви билан таъминлаш, яроқсиз ёғоч устунларни темир-бетон устунларга алмаштириш ва бошқа масалалар билан боғлиқ муаммолар кўтарилди.

Ҳар бир мурожаатга масъулият билан ёндашиб, йўлларни тошлашга шу куннинг ўзида киришиш, қолган муаммоларни 1 ой муддатда ҳал этиш юзасидан мутасаддиларга вазифалар юклатилди.