Вилоят ҳокими раҳбарлигида вилоят, шаҳар ва туманлар сектор раҳбарлари ҳамда салоҳиятли тадбиркорлар иштирокида воҳада амалга оширилаётган йирик лойиҳалар ва уларда яратилиши режалаштирилган иш ўринлари масаласи муҳокама қилинди.

Очиқ мулоқот тарзида ўтказилган муҳокамада лойиҳаларни амалга оширишда тадбиркорлар дуч келаётган муаммолар таҳлил қилинди.

Мутасаддиларга тадбиркорлар билан манзилли ишлаб, муаммоларни бартараф этиш, иш ўринлари тўлиқ яратилишини таъминлаш вазифаси топширилди.