AFG'ONISTON DELEGATSIYASI BILAN UCHRASHUV
Viloyat hokimligida mamlakatimiz mustaqilligining 27 yilligiga bag'ishlab Termiz shahrida bo'lib o'tadigan bayram tantanalariga taklif etilgan Afg'oniston Islom Respublikasi delegatsiyasi a'zolari hamda Rossiya Federatsiyasi, Hindiston va Tojikiston Respublikalarining Mozori Sharifdagi diplomatik korpuslari vakillari bilan uchrashuv bo'lib o'tdi.
AFG'ONISTON DELEGATSIYASI BILAN UCHRASHUV

Muallif:
Matbuot xizmati
27
avg
+5
OLIS, CHEKKA VA CHEGARA OLDI HUDUDLARDA BAYRAM TADBIRLARI DAVOM ETMOQDA
O‘zbekiston Respublikasi davlat mustaqilligining 27 yilligini munosib kutib olish va nishonlash maqsadida viloyatimizning barcha shahar va tumanlarining chekka hududlarida “Aziz va yagonamsan jonajon, O‘zbekistonim!” shiori ostida qator ma’naviy-ma’rifiy tadbirlar o‘tkazilmoqda. Xususan, Jarqo‘rg‘on tumanining “Kamar”, “Qiron”,  Boysun tumanining “Omonxona”, “Mehrobod”, Sho‘rchi tumanining “Yoshg‘ayrat”, “To‘la”, Oltinsoy tumanining “Mustaqillikning 10 yilligi”, Sariosiyo tumanining So‘fiyon, Sherobod tumanining Poshxurt va Xatak singari mahalla va qishloqlarida bo‘lib o‘tayotgan uchrashuvlar mustaqillik tarixi, istiqlolni qadrlash, uni yanada mustahkamlashga, fuqarolarning mafkuraviy immunitetini yanada kuchaytirish, ularda vatanparvarlik, shukronalik hissini kamol toptirish va kelajakka bo‘lgan ishonchini yanada orttirishga, ularni turli yot g‘oyalar, zararli illatlar ta’siridan ishonchli asrash va himoyalashga xizmat qilishi bilan ahamiyatli bo‘lmoqda. O‘tkazilayotgan uchrashuvlarda poytaxtdan tashrif buyurgan targ‘ibot guruhi a’zolari - O‘zbekiston xalq artistlari (Aziza Begmatova), fan doktorlari (Barno Ubaydullayeva), shoiralar (Dilorom Ismoilova, Muxayyo Mirsaidova), kino va teatr aktyorlari (Bahodir Mirmaqsudov, Muhabbat Abdullayeva), ma’naviyatchilar (I.Absalomov, M.Zikirova), shuningdek, viloyat “Ma’rifat” targ‘ibotchilari jamiyati a’zolari  ishtirok etayotgani ularning mazmunli o‘tishida muhim omil bo‘layotir.
OLIS, CHEKKA VA CHEGARA OLDI HUDUDLARDA BAYRAM TADBIRLARI DAVOM ETMOQDA

Muallif:
Matbuot xizmati
25
avg
+5
VILOYAT VA TUMANNING QATOR TASHKILOTLARI RAHBARLARI ISHDAN OLINDI
Mahallalardagi ijtimoiy-iqtisodiy va ma’naviy muhitni o‘rganish, aniqlangan muammolarni bartaraf etishga ko‘maklashish maqsadida 10 kun davomida Qiziriq tumanida faoliyat olib borgan O‘zbekiston Respublikasi Hisob palatasi raisi boshchiligidagi ishchi guruh bugun o‘z ishini yakunladi. O‘rganish natijalariga bag‘ishlab, bugun tumanda o‘tkazilgan yig‘ilishda O‘zbekiston Respublikasi Hisob palatasi raisi M.Ikromov, viloyat va tuman hokimliklari mutasaddilari, korxona va tashkilotlar rahbarlari, jamoatchilik vakillari ishtirok etdi. Yig‘ilishda ta’kidlanidek, Respublika, viloyat va tuman ishchi guruhlari a’zolari qator ijtimoiy soha ob’ektlari hamda mavjud 49 ta mahalladagi 24 ming 525 ta (88,2 %) xonadonda bo‘lishib, ularning muammolarini o‘rganishdi.  Uyma-uy yurish natijasida aholi tomonidan turli yo‘nalishlarda jami 15 213 ta masala ko‘tarildi. Ushbu masalalarning bir qismi o‘rganish davomida joyida hal etilgan bo‘lsa, qolganlarini ijobiy hal etilish bo‘yicha hozirda ishlar olib borilyapti. Fuqarolardan tushgan murojaatlar asosan turar joy, kommunal soha, yo‘l xo‘jaligi, sog‘liqni saqlash, ta’lim sifati, yoshlarni ish bilan ta’minlash masalalariga oid bo‘lib, aniqlangan kamchilik va muammolar yuzasidan mutasaddilarning   hisobotlari tinglandi.  Ish jarayonida jiddiy xato va kamchiliklarga yo‘l qo‘yganligi, xotirjamlikka berilib, o‘z xizmat vazifalariga sovuqqonlik bilan qaraganligi sababli Markaziy bankning viloyat bosh boshqarmasi boshlig‘i B.Nurmuhammedov, “Surxondaryo hududiy elektr tarmoqlari korxonasi” AJning ekspluatatsiya va texnik masalalar bo‘yicha direktori X.Abdurahmonov, tuman gaz ta’minoti korxonasi rahbari F.Hamrayev, Davlat sanitariya epidemiologiya nazorat markazi rahbari B.Norboyev, veterinariya bo‘limi boshlig‘i R.Choriyev shu yerning o‘zida egallab turgan lavozimidan ozod qilindi.  Yig‘ilish davomida tumandagi kamchilik va muammolarni qisqa fursatlarda bartaraf etish yuzasidan tegishli tashkilotlar va mutasaddilarga aniq topshiriqlar berildi.
VILOYAT VA TUMANNING QATOR TASHKILOTLARI RAHBARLARI ISHDAN OLINDI

Muallif:
Matbuot xizmati
24
avg
+8
HAYIT KUNLARIDA O‘KSIK QALBLARGA QUVONCH ULASHILDI
Bugun Termiz shahridagi 12-sonli “Mehribonlik uyi”da bo‘ldik. Bu yerga tashrif buyurgan odam o‘zini mo’jazgina zamonaviy shaharchada his etadi. Bolalarga yaratilgan sharoitdan ko‘nglingiz yayraydi, kayfiyatingiz ko‘tariladi. Bu yerda tarbiyalanayotgan o‘g‘il-qizlar davlatimiz, xalqimizning mehr qo‘ri ostida voyaga yetmoqda. Biri biridan iqtidorli, bilimdon bolajonlar. Bayram munosabati bilan tashkil etilgan tadbirda ularga sovg‘alar ulashildi. Ayniqsa, o‘quv qurollari topshirilganda bolajonlarning quvonganlarini ko‘rsangiz edi. Bu quvonch ular ijrosidagi kuy-qo‘shiqlar, ajoyib raqslarda ham namoyon bo‘ldi. Dunyoni mehr asraydi, deyishadi. Inson uchun har onda, har qadamda kerak bo‘lgan mehr otlig‘ ana shu tengsiz tuyg‘u hamisha bardavom bo‘lsin!
HAYIT KUNLARIDA O‘KSIK QALBLARGA QUVONCH ULASHILDI

Muallif:
Matbuot xizmati
23
avg
+5
DENOV TUMANIDAGI KEKSALAR, BEMORLAR VA EHTIYOJMAND KISHILAR HOLIDAN XABAR OLINDI
Xalqimizning azaliy qadriyatlaridan biri bo‘lgan muborakQurbon hayiti Surxondaryo viloyatida ham ko‘tarinki kayfiyatda nishonlanmoqda.  Vohadoshlarimiz qadimiy va tabarruk maskanlarni, buyuk ajdodlarimizning mo‘tabar qadamjolarini ziyorat qilib, qarindosh-urug‘lari, yaqinlari holidan xabar olib, ruhiy taskin, ma’naviy oziq olmoqdalar.
DENOV TUMANIDAGI KEKSALAR, BEMORLAR VA EHTIYOJMAND KISHILAR HOLIDAN XABAR OLINDI

Muallif:
Matbuot xizmati
23
avg
+4
UZUN TUMANIDA YANGI MAHALLA MARKAZI, SAVDO KOMPLEKSI VA DEHQON BOZORI FOYDALANISHGA TOPSHIRILDI
Fuqarolarning o‘zini o‘zi boshqarish organlari faoliyatini muvofiqlashtirish bo‘yicha Uzun tuman Kengashining zamonaviy usulda barpo etilgan binosi, “Uzun Ravnaq Fayz” savdo kompleksi va tuman dehqon bozorining bugun  foydalanishga topshirilishi eng ulug‘, eng aziz bayram – Vatanimiz mustaqilligining 27 yilligiga ajoyib tuhfa bo‘ldi. Tumanning 165 ming nafardan ortiq aholisi istiqomat qilayotgan 45 ta mahalla fuqarolar yig‘ini faoliyatini muvofiqlashtirib turuvchi Kengash binosida 700 million so‘mlik qurilish-montaj va jihozlash ishlari amalga oshirildi. Mahalla markazida xodimlar uchun yaratilgan shart-sharoit va qulayliklar xalqimizga malakali va sifatli xizmat ko‘rsatishga to‘la imkon beradi. “Uzun Ravnaq Fayz” savdo kompleksi qurilishiga esa 15 milliard so‘mdan ziyod mablag‘ sarflanib, bu yerda sotuvchi va xaridorlar uchun qator qulayliklar yaratildi. 138 ta savdo shaxobchasi tashkil etilib, turli arzon va sifatli buyumlar savdosi yo‘lga qo‘yildi, 450 ta yangi ish o‘rni yaratildi. Foydalanishga topshirilgan tuman dehqon bozori pavilonlarida go‘sht, sut, tuxum va boshqa oziq-ovqat mahsulotlari hamda xo‘jalik mollari sotishga mo‘ljallangan 596 ta savdo rastasi mavjud. Barcha inshootlar toza ichimlik suvi bilan ta’minlanib, qishloq xo‘jaligi mahsulotlarini saqlash ombori, avtomobil to‘xtash joyi qurilgani sotuvchi va xaridorlarga yanada qulaylik yaratmoqda. Bu ishlarni amalga oshirish uchun 7,5 milliard so‘mlik qurilish-montaj ishlari bajarildi. 750 nafar fuqaro doimiy ish bilan ta’minlandi. Bir so‘z bilan aytganda, viloyatimiz shahar va tumanlarida amalga oshirilayotgan bu kabi bunyodkorlik, yaratuvchanlik, tashabbuskorliklarning barchasi odamlarning hayotidan mamnun, jamiyatdan rozi bo‘lib yashashiga qaratilgani bilan yanada quvonarlidir.
UZUN TUMANIDA YANGI MAHALLA MARKAZI, SAVDO KOMPLEKSI VA DEHQON BOZORI FOYDALANISHGA TOPSHIRILDI

Muallif:
Matbuot xizmati
23
avg
+6
“SURXONTEKS” KORXONASINING YILLIK ISHLAB CHIQARISH QUVVATI 9 MING TONNAGA YETKAZILDI
   Jarqo‘rg‘on tumanidagi “Surxonteks” qo‘shma korxonasi paxta tolasidan ip-kalava ishlab chiqarishga ixtisoslashgan bo‘lib, uning ishlab chiqarish quvvatini yanada kengaytirish maqsadida joriy yilda bu yerda 9,5 mlrd. so‘mlik qurilish-ta’mirlash ishlari amalga oshirildi. Tijorat banki tomonidan ajratilgan 9,6 million AQSH dollari miqdoridagi kredit mablag‘lari evaziga zarur zamonaviy ip-yigiruv dastgohlari bilan jihozlandi. Natijada korxonada yiliga 9 ming tonna ip-kalava, 4 ming pogon metr gazlama ishlab chiqarish yo‘lga qo‘yildi.
“SURXONTEKS” KORXONASINING YILLIK ISHLAB CHIQARISH QUVVATI 9 MING TONNAGA YETKAZILDI

Muallif:
Matbuot xizmati
22
avg
+4
SHEROBODDA YIRIK SEMENT ZAVODI ISHGA TUSHURILDI
    Surxondaryo viloyati Sherobod tumanida sement ishlab chiqarishga mo‘ljallangan “Olmaliq kon-metallurgiya kombinati” aksiyadorlik jamiyati tomonidan bunyod etilgan yangi sement zavodi ishga tushirildi. Bu haqda “Xalq so‘zi“ muxbiri Ilhom Rahmatov xabar bermoqda.
SHEROBODDA YIRIK SEMENT ZAVODI ISHGA TUSHURILDI

Muallif:
Matbuot xizmati
22
avg
+4
TOJIKISTONLIK INVESTORLAR BILAN AMALIY MULOQOT
O‘zbekiston Respublikasi Prezidenti Shavkat Mirziyoyevning taklifiga binoan Tojikiston Respublikasi Prezidenti Emomali Rahmonning mamlakatimizga davlat tashrifi ikki qardosh xalq o‘rtasidagi munosabatlarda yangi sahifa ochish bilan birga, istiqbol uchun yangi ufqlarini belgilab berdi. Oliy darajadagi muloqotlar davomida ikki davlat o‘rtasida turli sohalarda erishilgan ahdlashuvlar, xususan, Surxondaryo viloyati bilan Xatlon viloyati o‘rtasida savdo-iqtisodiy, ilmiy-texnikaviy va madaniy-gumanitar hamkorlik to‘g‘risida imzolangan bitimni hayotga to‘liq joriy qilish maqsadida bugun viloyat hokimligida Tojikiston Respublikasining “Yevro invest Soxtmon” kompaniyasi rahbari Ilhom Rahmonov hamda viloyatimizdagi “Osiyo-sement” MChJ vakillari bilan uchrashuv o‘tkazildi. “Yevro invest Soxtmon” kompaniyasi  joriy yilning iyul oyida “Osiyo-sement” MChJ bilan o‘zaro hamkorlik bo‘yicha memorandum imzolagan bo‘lib, umumiy qiymati 175 million AQSh dollari bo‘lgan investitsiya loyihasi ning amalga oshirilishi natijasida bu yerda yiliga 2 million tonna yuqori sifatli sement ishlab chiqarishni yo‘lga qo‘yish hamda 500 dan ziyod yangi ish o‘rinlarini yaratish ko‘zda tutilgan. O‘tkazilgan muloqotda ikki davlat rahbarlarining uchrashuvi tojikistonlik hamkorlar bilan aloqalarini mustahkamlash va kengaytirishda muhim ahamiyat kasb etishi ta’kidlandi.  “Yevro invest Soxtmon” kompaniyasi bilan investitsiyaviy va texnologik hamkorlik, ularga har tomonlama yordam ko‘rsatish, qulay sharoit yaratish masalalari muhokama etildi.
TOJIKISTONLIK INVESTORLAR BILAN AMALIY MULOQOT

Muallif:
Matbuot xizmati
19
avg
+4
SURXONDARYODA YIRIK SEMENT ZAVODI ISHGA TUSHDI
Bugun Sherobod tumanining “Vandob” qishlog‘i hududida “Olmaliq kon-metallurgiya kombinati” aksiyadorlik jamiyati tomonidan barpo etilgan sement zavodi foydalanishga topshirildi. Uning tantanali ochilish marosimida viloyat hokimligi, “Olmaliq kon-metallurgiya kombinati” va “O‘zqurilishmateriallari” aksiyadorlik jamiyatlari, Turkiyaning ““ Dal   teknik   makina   tigaret   ve   sanayi   a . s .” kompaniyasi hamda keng jamoatchilik vakillari ishtirok etdi. Tadbirda so‘zga chiqqanlar davlatimiz rahbarining 2016 yil 10 oktyabrdagi “Surxondaryo viloyati Sherobod tumanida sement zavodi qurilishi investitsiya loyihasini amalga oshirish bo‘yicha chora-tadbirlar to‘g‘risida”gi qaroriga asosan qurib, foydalanishga topshirilayotgan ushbu sement zavodi vohamizda qurilish sanoatini zamon talablari darajasida rivojlantirishda, zamonaviy qurilish materiallarini ko‘paytirish va ishlab chiqarilayotgan mahsulotlarni eksportga yo‘naltirishda muhim ahamiyat kasb etishini ta’kidlashdi. Haqiqatdan ham, texnologik qismi turkiyalik hamkorlar tomonidan amalga oshirilgan mazkur zavodning Sherobod tumanida bunyod etilishining o‘ziga xos afzalliklari bor.  Chunki eng yirik, ya’ni 708 million tonna sement xom ashyosi, shu jumladan, 530 million tonna ohaktosh va 178 million tonna tuproq (glina) mavjud konlar aynan shu hududda joylashgan. Qiymati 212,8 million AQSh dollari bo‘lgan ushbu investitsiya loyihasining amalga oshirilishi natijasida bu yerda yiliga 1,5 million tonna yuqori sifatli portlandsement ishlab chiqarish yo‘lga qo‘yildi hamda 1200 nafar tuman aholisini doimiy ish bilan ta’minlash imkoniyati yaratildi.  Viloyatimizning geografik joylashuvi nafaqat yurtimizda amalga oshirilayotgan, balki qo‘shni davlatlar, shu jumladan, Afg‘oniston Respublikasida ham keng ko‘lamdagi qurilish bunyodkorlik ishlari uchun zarur bo‘lgan sement mahsulotining ichki va tashqi bozorda o‘z xaridorini topish imkoniyatini beradi.
SURXONDARYODA YIRIK SEMENT ZAVODI ISHGA TUSHDI

Muallif:
Matbuot xizmati
19
avg
+5
MATBUOT ANJUMANI: VILOYAT IQTISODIYOTINING OLTI OYLIK NATIJALARI TAHLIL QILINDI
Surxondaryo viloyati hokimligi tomonidan o‘tkazilgan matbuot anjumani “Viloyat iqtisodiyotining olti oylik natijalari: muammo va yechimlar tahlili”ga bag‘ishlandi. Unda viloyat hokimining birinchi o‘rinbosari To‘ra Bobolov, hokimlikning iqtisodiyot va tadbirkorlik masalalari bo‘yicha majmuasi tarkibiga kiruvchi tashkilotlar rahbarlari, ommaviy axborot vositalari vakillari ishtirok etdi. Anjumanda joriy yilning birinchi yarmida viloyatni ijtimoiy-iqtisodiy rivojlantirishga qaratilgan ishlar samarasi muhokama etildi.  Ta’kidlanganidek, iqtisodiy dasturning eng muhim ustuvor vazifalarini amalga oshirish natijasida viloyat iqtisodiyotining  barcha tarmoqlarida ijobiy o‘sish tendensiyasi kuzatildi. Dastur doirasida tijorat banklari tomonidan 238 ta loyihalarga 1 trln. 568 mlrd. 832 mln.so‘m kredit mablag‘lari ajratib berildi. Umumiy qiymati 351 mlrd. 218 mln. so‘m mablag‘ hisobiga 158 ta loyiha amalga oshirilib, 1860 ta ish o‘rinlari yaratildi.  Sherobod tumanida “Paxtaoy tekstil” MChJ tomonidan tikuvchilik mahsulotlari, Jarqo‘rg‘on tumanida “Farovon Tekstil Eksport Import” MChJ tomonidan erkaklar shimi va turli xil choyshablar ishlab chiqarish loyihalari yo‘lga qo‘yilgan bo‘lsa, yaqin kunlarda  Termiz shahrida “Amudaryo teks” qo‘shma korxonasining yiliga 7 ming tonna bo‘yalgan ip-kalava ishlab chiqarish, Sherobod tumanida “Olmaliq kon metallurgiya” kombinatining yiliga 1,5 mln.tonna sement ishlab chiqarish loyihalari ishga tushiriladi. Jarqo‘rg‘on tumanida “Surxon teks” qo‘shma korxonasini kengaytirish hisobidan yillik ishlab chiqarish quvvati 9,0 ming tonnaga yetkazilishi ko‘zda tutilmoqda. Shuningdek, tadbirda kichik biznes va xususiy tadbirkorlikni rivojlantirish, aholi bandligini oshirish, viloyatning eksport salohiyatini yuksaltirish, “Obod qishloq” dasturi doirasida amalga oshirilayotgan ishlar, muammolar va ularning yechimlari haqida ham so‘z yuritildi. Matbuot anjumanida viloyat hokimining birinchi o‘rinbosari va tashkilotlar rahbarlari jurnalistlarni qiziqtirgan barcha savollarga atroflicha javob qaytardilar.
MATBUOT ANJUMANI: VILOYAT IQTISODIYOTINING OLTI OYLIK NATIJALARI TAHLIL QILINDI

Muallif:
Matbuot xizmati
18
avg
+2
TOJIKISTON PREZIDENTI TOSHKENTGA KELDI
O‘zbekiston   Respublikasi   Prezidenti   Shavkat   Mirziyoyevning   taklifiga   binoan   Tojikiston   Respublikasi   Prezidenti   Emomali   Rahmon  17  avgust   kuni   davlat   tashrifi   bilan   mamlakatimizga   keldi .  Islom   Karimov   nomidagi   Toshkent   xalqaro   aeroportida   oliy   martabali   mehmonni   davlatimiz ra hbari  Shavkat   Mirziyoyev   kutib   oldi .  Emomali   Rahmon   Mustaqillik  maydoniga   tashrif   buyurib ,  Mustaqillik   va   ezgulik   monumenti   poyiga   gul   qo‘ydi .
TOJIKISTON PREZIDENTI TOSHKENTGA KELDI

Muallif:
Matbuot xizmati
17
avg
+5

 *
© Surxondaryo viloyati hokimligi rasmiy sayti
www.uz
Sayt muallifi: "Axborot-kommunikatsiya texnologiyalarini rivojlantirish markazi" DUK