XITOYLIK ISHBILARMONLAR SURXONDARYODA
Joriy yilning 31 iyul – 3 avgust kunlari Surxondaryo viloyati delegatsiyasining Xitoy Xalq Respublikasiga uyushtirgan amaliy safari davomida erishilgan kelishuvlarga muvofiq, kecha Sichuan provinsiyasining bir guruh ishbilarmon doira vakillari viloyatimizga tashrif buyurdi. Tashrifning birinchi kuni Termiz shahri va tumanidagi tarixiy  obidalar va qadamjolar, mustaqillik davrida amalga oshirilayotgan bunyodkorlik ishlari bilan tanishgan xorijlik mehmonlar ishtirokida bugun viloyat hokimligida uchrashuv o‘tkazildi. Uchrashuvda qishloq xo‘jaligi va oziq-ovqat sohasi bo‘yicha 10 dan ortiq yetakchi kompaniyalar rahbarlaridan iborat delegatsiya a’zolariga mamlakatimizda ishbilarmonlar uchun yaratilayotgan sharoitlar, imtiyozlar, eksport uchun yaratilgan qulaylik haqida ma’lumot berildi. Qishloq xo‘jaligi mahsulotlarini ishlab chiqarish va qayta ishlash sohasida qo‘shma loyihalarni amalga oshirish istiqbollari xususida so‘z yuritildi. 213 ta kompaniyani o‘zida birlashtirgan, 40 ming nafardan ziyod ishchi-xodim mehnat qilayotgan ZiGong Guo Ming Food Co., Ltd. assotsiatsiyasi prezidenti Chjou Guoming tabiiy iqlim sharoiti, malakali ishchi kadrlari va qulay jug‘rofiy joylashuvi Surxondaryo viloyati qishloq xo‘jaligi salohiyatining asosi ekanligini ta’kidlar ekan, qishloq xo‘jaligi mahsulotlarini ishlab chiqarish, qayta ishlash va eksport qilish sohasida o‘zaro manfaatli loyihalarni amalga oshirish yaxshi samara berishini e’tirof etdi. 5 kunlik tashrif davomida mehmonlarning viloyatdagi yirik sanoat va qishloq xo‘jaligi korxonalari, chorvachilikka ixtisoslashgan fermer xo‘jaliklarida bo‘lib, ularning faoliyati bilan yaqindan tanishishlari rejalashtirilgan.
XITOYLIK ISHBILARMONLAR SURXONDARYODA

Muallif:
010719977
08
okt
+2
SURXONDARYODA SHAMOLDAN ELEKTR ENERGIYA ISHLAB CHIQARISH YO‘LGA QO‘YILMOQDA
Mamlakatimiz ulkan shamol resurslariga ega bo‘lib, ulardan arzon elektr energiyasi olish uchun qulay imkoniyatlar mavjud. Shu bois Surxondaryo viloyatida aholi hamda sanoat ishlab chiqarishni arzon energiya bilan ta’minlash maqsadida shamol energetikasini rivojlantirish bo‘yicha yirik loyihalarni qo‘llab-quvvatlashga alohida e’tibor qaratilmoqda. Bugun viloyat hokimi Bahodir Po‘latov hamda Turkiyaning “ETKA CO ENERJI” AŞ hamda Toshkentdagi “SHAMS” ilmiy markazi vakillari Zulfiqor Ustungar va Zafar Shermatov o‘rtasida o‘tkazilgan muloqotda ushbu kompaniya tomonidan Boysun tumanida 600 mVt. elektr energiyasi ishlab chiqarish quvvatiga ega bo‘ladigan shamol energiyasini ishlab chiqarish loyihasi haqida so‘z yuritildi. Muloqotda “ETKA CO ENERJI” AŞ kompaniyasi “SHAMS” ilmiy markazi bilan hamkorlikda Boysun tumanining dengiz sathidan 1500-1700 metr balandlikda joylashgan tog‘li hududida shamol elektr stansiyasini qurish  va muqobil elektr energiya ishlab chiqarish uchun umumiy qiymati 1 mlrd. AQSh dollari miqdorida to‘g‘ridan-to‘g‘ri investitsiya kiritish,  shamol energiyasi uskunalari va jihozlarini o‘rnatish, loyiha ishga tushgach ishlab chiqarilgan elektr energiyani hozirgidan 10 foiz arzonlashtirilgan holda sotish, shuningdek, loyihani amalga oshirish bilan bog‘liq boshqa tashkiliy masalalar kelishib olindi. Ushbu yirik loyihani 2020 yilgacha foydalanishga topshirish rejalashtirilayotgan bo‘lib, buning natijasida Boysun va Sherobod tumanlaridagi iste’molchilarni muqobil elektr energiyasi bilan uzluksiz ta’minlash sifati yanada oshadi. 100 dan ortiq yangi ish o‘rni yaratiladi.
SURXONDARYODA SHAMOLDAN ELEKTR ENERGIYA ISHLAB CHIQARISH YO‘LGA QO‘YILMOQDA

Muallif:
010719977
06
okt
+2
Mahalladan «spravka» so‘rash bekor qilindi
Hukumat qaroriga muvofiq, 2018 yil 15 oktyabrdan davlat xizmatlari ko‘rsatilishida fuqarolarning o‘zini o‘zi boshqarish organlari tomonidan taqdim etiladigan quyidagi hujjatlarni talab qilish bekor qilindi: • shaxsning yashash joyi bo‘yicha (propiska qilinganligi) yashayotganligini; • shaxsning ishsizligini; • bolani, yolg‘iz shaxslarni, pensionerlarni va nogironlarni parvarish qilganligini tasdiqlovchi hujjatlar; • shaxsning tavsifnomasi. Endilikda davlat xizmatlari ko‘rsatish jarayonida shaxsning yashash joyi bo‘yicha (propiska qilinganligi) yashayotganligini va uning ishsizligini tasdiqlovchi hujjatlar zarur bo‘lsa, mazkur ma’lumotlar tegishincha Ichki ishlar vazirligi va Bandlik va mehnat munosabatlari vazirligi organlaridan olinadi. 2020 yil 1 yanvardan davlat xizmatlarini ko‘rsatish jarayonida oila tarkibi, qarindoshlik darajasi va fuqaroning oilaviy ahvoli haqidagi ma’lumotlar tegishli tashkilot tomonidan FHDYo organlaridan mustaqil ravishda olinadi.
Mahalladan «spravka» so‘rash bekor qilindi

Muallif:
010719977
04
okt
0
O‘QITUVCHI VA MURABBIYLARGA
Assalomu alaykum hurmatli ustozlar, qadrli o‘qituvchi va murabbiylar! Avvalo Sizlarni, sizlar orqali viloyatimizning barcha o‘qituvchi va murabbiylarini, biz uchun ibrat namunasi, yuksak insoniy fazilatlar timsoli bo‘lgan mehridaryo ustozlarni  umumxalq bayrami – O‘qituvchi va murabbiylar kuni bilan chin qalbimdan samimiy tabriklayman. Muhtaram Prezidentimiz Shavkat Miromonovich Mirziyoyevning ta’birlari bilan aytganda, “Har bir murg‘ak bolani o‘z farzandidek ardoqlab, yosh avlod tarbiyasi uchun ko‘z nuri, qalb qo‘ri, butun borlig‘ini baxsh etadigan o‘qituvchi va murabbiylar tom ma’noda fidoyi kasb egalaridir”. Bugungi kunda pedagoglarning jamiyatdagi mavqeini oshirish, ularni ijtimoiy va huquqiy jihatdan qo‘llab-quvvatlash borasida olib borilayotgan sa’y-harakatlar zamirida ana shu fidoyi kasb egalarining mashaqqatli va sharafli mehnatini yuksak qadrlashdek ezgu maqsad mujassam. Mamlakatimiz ta’lim sohasida uzoqni ko‘zlab amalga oshirilayotgan islohotlar, jumladan, umumiy o‘rta ta’limda 11 yillik tizimga o‘tilishi, akademik litsey va kasb-hunar kollejlarining optimallashtirilishi, yangi oliy ta’lim muassasasi va filiallarning tashkil etilishi, turli yo‘nalishlar bo‘yicha kechki va sirtqi bo‘limlarning ochilishi, maktabgacha ta’lim muassasalari tarmog‘ining kengaytirilishi, nodavlat ta’lim xizmati ko‘rsatishning yo‘lga qo‘yilishi kelajagimiz  poydevorining yanada mustahkamlanib borayotganidan dalolat beradi. Viloyatimizda yangidan bunyod etilayotgan, rekonstruksiya qilinib, mukammal ta’mirlanayotgan ta’lim muassasalari va ularda yaratilayotgan keng shart-sharoitlar bugun barchamizni, ayniqsa, ustozlarimizni yangidan-yangi marralarga da’vat etmoqda. Farzandlarimizning bilim samaradorlini oshirish hisobidan qator yo‘nalishlar bo‘yicha yuqori natijalarning qo‘lga kiritilayotgani Siz soha fidoyilarining samarali mehnatlaringiz mahsulidir. Muhtaram ustozlar! Kuni kecha muhtaram Prezidentimizning Farmonlariga binoan, O‘qituvchi va murabbiylar kuni munosabati bilan ta’lim-tarbiya tizimida alohida o‘rnak ko‘rsatgan bir guruh soha xodimlari qatorida viloyatimizdan 8 nafar o‘qituvchi va murabbiylarning turli darajadagi davlat mukofotlariga munosib topilgani qalbimizga olam-olam quvonch bag‘ishladi. Fursatdan foydalanib, taqdirlanganlarni ushbu yuksak mukofotlar, Sizlarni esa kasb bayramingiz bilan yana bir bor samimiy tabriklayman. Sizlarga mustahkam sog‘lik, xonadoningizga tinchlik-xotirjamlik, faoliyatingizda ulkan muvaffaqiyatlar tilayman. Bayramingiz muborak
O‘QITUVCHI VA MURABBIYLARGA

Muallif:
010719977
01
okt
+1
SURXONDARYODA DORI-DARMON VOSITALARI VA TIBBIYOT BUYUMLARI ISHLAB CHIQARILADI
Bugun viloyat hokimligida Toshkentdagi tibbiyot buyumlarini ishlab chiqarishga ixtisoslashgan “Noble Star” MChJ vakillari bilan uchrashuv bo‘lib o‘tdi.  Suhbat jarayonida vohamizda o‘sadigan turli xil dorivor o‘simliklardan ko‘plab turdagi dori-darmon vositalari hamda tibbiyotda qo‘llaniladigan bir martalik shprits, shuningdek, maxsus xalat, poyabzal, qo‘lqop singari tibbiy buyumlar ishlab chiqarishni yo‘lga qo‘yishga kelishib olindi. “Yangi tashkil etilgan “Termiz” erkin iqtisodiy zonasida mahalliy xomashyodan raqobatbardosh farmatsevtika mahsulotlari ishlab chiqarishning yo‘lga qo‘yilishi viloyat aholisini sifatli dori-darmon vositalari  va tibbiyot buyumlari bilan ta’minlashda muhim ahamiyat kasb etadi”, deyildi muloqotda.
SURXONDARYODA DORI-DARMON VOSITALARI  VA TIBBIYOT BUYUMLARI ISHLAB CHIQARILADI

Muallif:
010719977
01
okt
+2
SURXONDARYO VILOYATIDA OLIY TA’LIM
Termiz davlat universiteti 👉  1954 yilda tashkil topgan va 1992 yilda universitet maqomi berilgan Termiz davlat universitetida  2018/2019 o‘quv yilida 43 bakalavriat va 18 ta magistratura mutaxassisligi bo‘yicha kadrlar tayyorlash yo‘lga qo‘yildi.  👉  Bugungi kunda oliygohda 12 ta fakultet, 39 ta kafedra faoliyat ko‘rsatib, jami 11000 nafarga yaqin talaba, jumladan, ularning 8500  nafardan ortig‘i kunduzgi, 1000 nafardan ortig‘i maxsus sirtqi, 300 nafardan ortig‘i sirtqi, 160 nafari magistratura bo‘limlarida, 1000 dan ortig‘i ikkinchi oliy ta’lim shakli asosida tahsil olmoqda Talabalarga 12 nafar fan doktori, professor, 120 nafardan ortiq fan nomzodi, dotsent, 450 nafardan ortiq katta o‘qituvchi va o‘qituvchilar faoliyat ko‘rsatishmoqda.  👉  Universitetda talabalarning tahsil olishi uchun 9 ta o‘quv binosi, 4 ta talabalar turar joyi, shuningdek, qurilishi, jihozlanishi va adabiyot fondi bo‘yicha Respublikada yetakchi bo‘lgan, bir paytning o‘zida 365 nafar talabaga xizmat qila oladigan Axborot resurs markazi, ochiq va yopiq sport majmualari mavjud.  👉  Universitet jamoasi 2017/2018 o‘quv yilida ilmiy, o‘quv, ma’aviy-ma’rifiy va sport sohasida qator yutuqlarni qo‘lga kiritib, Respublikamizdagi oliy ta’lim muassasalari o‘rtasidagi reytingda 57 o‘rnidan 17 o‘ringa ko‘tarilishga erishdi.  👉  Universitetda jahonning yirik oliy ta’lim muassasalari va ilmiy markazlari, jumladan, Amerika Qo‘shma Shtatlarining Chikago universiteti Sharqshunoslik instituti, Fransiya Fanlar Akademiyasi SNRS-UMR (ilmiy-tadqiqot) markazi, Germaniyaning Gissen universiteti, Buyuk Britaniyaning Rittl universiteti, Chexiyaning Karlova universiteti, Yaponiyaning Risshio universiteti, Soko universiteti, Rossiya Fanlar Akademiyasining Arxeologiya instituti va shu kabi qator universitetlar bilan ilmiy va o‘quv sohada keng hamkorlik munosabatlari yo‘lga qo‘yilgan.  👉  O‘z tuzilmasida Xalq ta’limi xodimlarini qayta tayyorlash va malakasini oshirish markazi, Akademik litsey va Denov filiali bo‘lgan Termiz davlat universiteti bugun dunyoga tobora yuz tutmoqda.
SURXONDARYO VILOYATIDA OLIY TA’LIM

Muallif:
010719977
01
okt
0
Viloyatda ta'lim sohasi
SURXONDARYO VILOYATIDA MAKTABGACHA TA’LIM 👉  Viloyatda hozirda 333 ta maktabgacha ta’lim muassasalari faoliyat yuritmoqda. Ularning 328 tasi davlat, 5 tasi davlat-xususiy sherikchiligi asosidagi maktabgacha ta’lim muassasalaridir.  35 454 nafar bolani qamrab olgan ushbu muassasalarda jami 3123 nafar pedagog mehnat qilmoqda. 👉  2018 yilda 17380 o‘ringa mo‘ljallangan 242 ta davlat-xususiy sherikchiligi asosidagi maktabgacha ta’lim muassasalarini tashkil etish bo‘yicha manzilli ro‘yxat tasdiqlangan. Ularning 158 tasi (12 570 o‘rinli) ajratilgan yer maydonlarida, 84 tasiga (4810 o‘rinli) “nol” xarid qiymatida berilgan bino va inshootlarda tashkil etilmoqda. SURXONDARYO VILOYATIDA XALQ TA’LIMI 👉  Viloyatda hozirda 865 ta umumiy o‘rta ta’lim maktabi faoliyat yuritmoqda. Ularda  36 948 nafar o‘qituvchi 470 303 nafar o‘quvchiga ta’lim-tarbiya berib kelmoqda.  👉  2018 yilda 78 ta maktabda qurilish-ta’mirlash ishlari amalga oshirildi. Jumladan,  31 ta umumiy o‘rta ta’lim maktabi binolari kapital rekonstruksiya qilindi, 4 tasi kapital ta’mirdan chiqarildi, 2 ta maktab binolari yangidan qurilayapti, 33 tasida zamonaviy sport zallari barpo etildi. Ushbu ishlar uchun budjetdan  74 mlrd. 965 mln. so‘m mablag‘ sarflandi. 👉  Investitsiya dasturi asosida joriy yilda 167 ta maktabga yangi jihozlar, zamonaviy o‘quv va laboratoriya uskunalari, kompyuter texnikalari olib kelinadi.        2018 yilda viloyatimiz xalq ta’limi tizimi o‘quvchi yoshlari va pedagoglari Respublika va Xalqaro miqyosda quyidagi muvaffaqiyatlarni qo‘lga kiritdilar: 👉  "Yilning eng faol ma’naviyat targ‘ibotchisi", “Yilning eng obod ta’lim muassasasi” ko‘rik-tanlovlarida 1-o‘rin; 👉  "Yilning eng yaxshi fan o‘qituvchisi-2018", "Konstitutsiya - baxtimiz poydevori", "Islom Karimov asarlari bilimdoni" ko‘rik-tanlovlarida 2-o‘rin; 👉  "Bilimlar bellashuvi"da 3-o‘rin; 👉  "Huquq bilimdonlari", "Yilning eng yaxshi chet tili o‘qituvchisi" ko‘rik-tanlovlarida 5-o‘rin. 👉  ikki nafar o‘quvchimiz matematika, fizika va informatika fanlari bo‘yicha Respublika fan olimpiadalarida g‘oliblikni qo‘lga kiritib, Qozog‘istonda bo‘lib o‘tgan 14-Xalqaro olimpiadada muvaffaqiyatli ishtirok etib qaytdi.  👉  Termiz shahridagi 4-ixtisoslashtirilgan umumiy o‘rta ta’lim maktab-internatining 8-sinf o‘quvchisi Iskandar Bo‘riyev Bolgariyaning Burgas shahrida maktab o‘quvchilari o‘rtasida o‘tkazilgan matematika bo‘yicha xalqaro musobaqada bronza va kumush medallarini qo‘lga kiritdi. 👉  Joriy yilning “Faol tadbirkorlik, innovatsion g‘oyalar
Viloyatda ta'lim sohasi

Muallif:
010719977
30
sen
0
ELNI AZIZ QILAR ELDA AZIZLAR
O‘qituvchi — kelajak me’mori. Uning mashaqqatli mehnati doimo el-yurt ardog‘ida. 1 oktyabrning mamlakatimizda O‘qituvchi va murabbiylar kuni - umumxalq bayrami sifatida keng nishonlanishi ham bu mo‘tabar kasb egalariga bo‘lgan yuksak e’tibor namunasidir. Uning zamirida o‘qituvchilarning sharafli va mas’uliyatli mehnatini e’zozlash, ularni qo‘llab-quvvatlash, moddiy va ma’naviy rag‘batlantirishdek ezgu maqsad mujassam. Ushbu sana munosabati bilan bugun Termiz shahridagi muhtasham San’at saroyida o‘tkazilgan bayram tadbiriga viloyatning barcha hududlaridan ilg‘or o‘qituvchilar, ijodiy-ma’rifiy tanlovlarda muvaffaqiyatli ishtirok etgan pedagoglar, faxriy ustozlar taklif etildi. Tadbir avvalida mamlakatimiz ta’lim sohasida uzoqni ko‘zlab amalga oshirilayotgan islohotlar mazmuni va ahamiyati haqida so‘z yuritildi, butun ongli hayotini yosh avlodga bilim va tarbiya berishga baxshida etayotgan ustoz va murabbiylarimizning zahmatli mehnati e’tirof etildi. Soha rivoji uchun kamarbasta bo‘lgan xodimlardan bir guruhiga viloyat hokimligining faxriy yorliq va esdalik sovg‘alari topshirildi. Viloyat musiqali drama teatri jamoasi tomonidan qayta sahnalashtirilgan “Alisher Navoiy” spektakli namoyishi boshlanganda tomoshabinlar O‘zbekiston va Qoraqalpog‘iston xalq artisti Muhammadali Abdiqunduzovning chiqishini gulduros qarsaqlar bilan olqishlashdi. Muvaffaqiyatli sahnalashtirilgan spektakl davomida insonlar baxtu-saodati, xalq farovonligi, mamlakat obodonligi uchun ulkan hissa qo‘shgan Alisher Navoiy obrazi talqini o‘qituvchi va murabbiylarni ulug‘ shoir shaxsiga yanada yaqinlashtirdi. Shundan so‘ng bayram tadbiri to‘kin dasturxon atrofida davom etdi. Ilmu ma’rifat charog‘bonlari – o‘qituvchi va murabbiylarga bildirilgan samimiy tilaklaru tabriklar qo‘shiq va raqslar guldastasiga ulanib ketdi. San’at ustalari va iste’dodli yosh ijrochilar ishtirokidagi konsert namoyishi bayram tarovatiga o‘zgacha kayfiyat, quvonch bag‘ishladi. Tantanali tadbirda Surxondaryo viloyati hokimi Bahodir Po‘latov ishtirok etdi.
ELNI AZIZ QILAR ELDA AZIZLAR

Muallif:
010719977
29
sen
+1
“TERMIZ” ERKIN IQTISODIY ZONASI – TARAQQIYOT TAYANCHI
Bugun Surxondaryo viloyati hokimi Bahodir Pulatov Termiz tumani hududida yangi tashkil etilgan “Termiz” erkin iqtisodiy zonasi direksiyasi rahbariyati - “Surxon Global Trade” MChJ vakillari bilan uchrashuv o‘tkazdi. O‘zbekiston Respublikasi Prezidentining 2018 yil 18 sentyabrdagi Farmoniga muvofiq, chegaradosh mamlakatlar, xususan Afg‘oniston Islom Respublikasi bilan samarali savdo va transport-logistika aloqalarini yanada rivojlantirish maqsadida viloyatimizning chegara yaqini hududida ilgari ajratilgan 3000 gektar maydonli yer uchastkasida “Termiz” erkin iqtisodiy zonasi tashkil etildi. Uning faoliyat ko‘rsatish muddati 30 yil bo‘lib, keyinchalik uni uzaytirish ehtimoli ham bor.  “Termiz” erkin iqtisodiy zonasi direksiyasi rahbariyati - Bosh direktor Alisher Tillayev boshchiligidagi “Surxon Global Trade” MChJ vakillari bilan bo‘lgan muloqotda mahalliy xomashyo va materiallar negizida raqobatbardosh tayyor mahsulot va butlovchi buyumlar ishlab chiqarishni mahalliylashtirish bo‘yicha yuqori texnologiyali zamonaviy ishlab chiqarishlarni barpo etish, EIZ hududidagi sanoat korxonalari va infratuzilma ob’ektlarida yangi ish o‘rinlari yaratilishini ta’minlash, investitsiyalarni jalb etish bo‘yicha qulay sharoitlarni yaratish, ishlab chiqarish, muhandislik-kommunikatsiya, yo‘l-transport va ijtimoiy infratuzilmani yanada rivojlantirish bilan bog‘liq hamkorlikdagi vazifalar atroflicha muhokama etildi.
“TERMIZ” ERKIN IQTISODIY ZONASI – TARAQQIYOT TAYANCHI

Muallif:
010719977
26
sen
+3
DUSHANBE SAFARI: YAXSHI QO‘SHNICHILIK ALOQALARI MUSTAHKAMLANMOQDA
Surxondaryo viloyati hokimi Bahodir Po‘latov O‘zbekiston Respublikasining Tojikistondagi elchisi taklifiga ko‘ra, elchixona tashabbusi bilan Dushanbe shahrida mamlakatimiz mustaqilligining 27 yilligi munosabati bilan o‘tkazilgan bayram tadbirida ishtirok etdi. “Tojikiston” mehmonxonasining marosimlar zalida tashkil etilgan  bayram tadbiriga Tojikiston hukumati a’zolari, xorijiy diplomatik korpus vakillari, o‘zbek millatga mansub fuqarolar va o‘zbekistonlik talaba-yoshlar ham tashrif buyurdi. Ikki davlat o‘rtasida muntazamlik kasb etgan oliy darajadagi uchrashuvlarning mantiqiy davomi bo‘lgan ushbu tadbirda so‘zga chiqqanlar yig‘ilganlarni eng ulug‘, eng aziz bayram bilan bilan qutlashib, mustaqillikni mustahkamlash yo‘lida dadil odimlayotgan do‘st va qardosh o‘zbek xalqiga baxt-saodat va farovonlik tilashdi. Bayram tadbirida ikki davlat tilida yangragan kuy-qo‘shiqlar va ijro etilgan raqslar barcha mehmonlarga ko‘tarinki kayfiyat ulashdi. Shundan so‘ng do‘stona va samimiy ruhda bo‘lib o‘tgan muloqot va uchrashuvlarda chegaraoldi mintaqalar o‘rtasida savdo-iqtisodiy, ilmiy-texnikaviy va madaniy-gumanitar hamkorlikni yanada mustahkamlash masalalari muhokama etildi.
DUSHANBE SAFARI: YAXSHI QO‘SHNICHILIK ALOQALARI MUSTAHKAMLANMOQDA

Muallif:
010719977
20
sen
+7

 *
© Surxondaryo viloyati hokimligi rasmiy sayti
www.uz
Sayt muallifi: "Axborot-kommunikatsiya texnologiyalarini rivojlantirish markazi" DUK