Oltin buyumlar xazinasi topilgan Dalvarzintepa haqida nimalarni bilamiz?
Surxondaryo viloyatining Sho‘rchi tumanida joylashgan Dalvarzintepa yodgorligi 50 yildan buyon arxeologlar tomonidan tadqiq etilmoqda. Dalvarzintepa miloddan avvalgi II asrda qishloq sifatida paydo bo‘lib, milodiy I asrga kelganda hududi 47 gektarga ega bo‘lgan yirik shaharga aylanib, Kushonlar imperiyasining poytaxti sifatida ravnaq topadi. Dalvarzintepa shahristonining sharqiy qismida joylashgan DT-37 (dala arxeologik nomi) ob’ektidan 2016 yilda O‘zbekiston Fanlar Akademiyasi San’atshunoslik ilmiy tadqiqot Institutining mashhur yapon arxeologi, marhum Kato Kyudzo hamda taniqli olim B.Turg‘unov ishtirokidagi qazishmalar vaqtida ko‘plab topilmalar qatorida ko‘p sonli tangalar hamda g‘alati shaklga ega bo‘lgan tutqichli tangasimon buyum topilgandi. Ushbu topilmalar mutaxassislar tomonidan tozalanib, tadqiq etilganida bu buyum Kushon sulolasi asoschisi Kadfiz Kudjulaning o‘g‘li imperator Vima Kadfiz tasviri tushirilgan muhr ekani aniqlandi. U eramizdan avvalgi taxminan 110-127 yillarda imperiyani boshqargan. Topilma Dalvarzintepa - Kushonlar imperiyasining dastlabki poytaxti bo‘lgani haqida nazariyani yana bir bor tasdiqladi. Bu noyob topilma O‘zbekiston janubida joylashgan Surxon vohasi Kushonlar imperiyasi davrida ancha muhim ahamiyatga ega bo‘lgani, ma’muriy – siyosiy markazga aylantirilganini isbotlaydi.  Eslatib o‘tamiz, shu kunga qadar Dalvarzintepaning ichki hamda tashqi qismidagi buddaviylik ibodatxonasi va undan topilgan 40ga yaqin buddaviylik diniga oid yirik hamda kichik hajmdagi haykallar; dunyodagi eng qadimgi shaxmat donachalari (milodiy I asrga tegishli); 1972 yilda arxeolog B.Turg‘unov tomonidan topilgan va o‘zbek arxeologiyasi tarixidagi eng olamshumul topilmalardan biri bo‘lgan, og‘irligi salkam 36 kilogrammga teng 115 dona oltin buyumlar xazinasi Dalvarzintepani o‘z vaqtida dunyoga mashhur qilgan edi.  Dalvarzintepadan topilgan ko‘plab noyob topilmalar Yaponiya, Janubiy Koreya, Shvetsariya, Fransiya kabi dunyoning bir qancha davlatlaridagi ekspozitsiyalarda namoyish etildi. Ayniqsa, Yaponiyadagi ko‘rgazmalarda topilmalarga bo‘lgan qiziqish nihoyatda katta edi. Buning hosilasi sifatida hozirgi kunda O‘zbekistonga tashrif buyuradigan ko‘plab yapon sayyohlari aynan Dalvarzintepa va Surxon vohasidagi buddaviylik dini yodgorliklarini ko‘rish uchun kelayotganini ko‘rish mumkin. (kun.uz materiallari asosida tayyorlandi)
Oltin buyumlar xazinasi topilgan Dalvarzintepa haqida nimalarni bilamiz?

Muallif:
Matbuot xizmati
10
dek
+1
Dehqon - tiriklikning mustahkam tayanchi
Surxondaryo viloyati hokimi vazifasini bajaruvchi Bahodir Po‘latovning Qishloq xo‘jaligi xodimlari kuni munosabati bilan Termiz shahridagi San’at saroyida o‘tkazilgan bayram tadbiridagi tabrigi Assalomu alaykum aziz yurtdoshlar!  Qadrli qishloq xo‘jaligi xodimlari!  Avvalombor, barchangizni O‘zbekiston Respublikasi qishloq xo‘jaligi xodimlari kuni bayrami bilan chin qalbimdan samimiy muborakbod etaman. Dunyoda kasblar juda ko‘p, har birining o‘ziga yarasha mas’uliyati, xalq farovonligi va jamiyat ravnaqi yo‘lidagi hissasi bor. Ammo, ularning orasida yerga mehr berib, zahmatli mehnati evaziga rizq undirayotgan yaratuvchi kasb egalari - qishloq xo‘jaligi xodimlarining hissasi nechog‘li salmoqli ekanligini barchamiz yaxshi bilamiz. Muhtaram Prezidentimiz Shavkat Miromonovich Mirziyoyev ta’kidlaganlaridek, “Dehqon bu – hayotning baquvvat ustuni, tiriklikning mustahkam tayanchidir”. Dasturxonlarimizning fayzu barakasi, bozorlarimizdagi to‘kin-sochinlik Siz qishloq xo‘jaligi xodimlarining mashaqqatli mehnatingiz tufaylidir. Aziz yurdoshlar! Keyingi yillarda mamlakatimizda qishloq xo‘jaligi rivojini yangi bosqichga ko‘tarish, soha xodimlari mehnatini ulug‘lashga qaratilayotgan e’tibor viloyatimizda ham o‘zining ijobiy samarasini bermoqda. Fermerlik harakatini rivojlantirish natijasida, viloyatimizda keyingi yillarda 9 ming 800 dan ortiq fermer xo‘jaligi shakllanib, ular bugungi kunda 10 dan ortiq yo‘nalishlarda samarali faoliyat yuritmoqda. Keyingi ikki yilda ko‘p tarmoqli fermer xo‘jaliklari 40 foizga ko‘payib, ularning soni 2860 taga yetdi. Faqat shuning hisobidan joylarda, uzoq-uzoq qishloqlarda 6200 ta yangi ish o‘rinlari yaratildi. Joriy yil viloyatda 514 ming tonna g‘alla ishlab chiqarilib, shundan 261 ming tonnasi davlatga sotildi, 152 ming tonnadan ziyod paxta, 1 ming 515 tonna pilla, 1 mln. 476 ming tonna meva-sabzavot va poliz, 282 ming dona tuxum, 119 ming tonna go‘sht va 527 ming tonna sut mahsulotlari yetishtirildi. Qishloq xo‘jaligi mahsulotlarining 6 ming 500 tonnasi qayta ishlanib, 3 mln. 407 ming dollarlik tayyor mahsulot eksport qilindi. 108 mln. 500 ming dollarlik 163 ming 500 tonna ho‘l meva chetga sotildi. Chorvachilik sohasining imkoniyatlarini oshirishga qaratilgan chora-tadbirlarning izchillik bilan amalga oshirilishi natijasida qoramollar bosh sonining o‘sishiga erishildi, 2018 yilning 1 dekabr holatiga yirik shoxli qoramollar 106 foizga, qo‘y va echkilar 103 foizga, parrandalar 117 foizga, ovlangan baliq 135 foizga ko‘paydi. Qadrli
Dehqon - tiriklikning mustahkam tayanchi

Muallif:
Matbuot xizmati
09
dek
+3
Davlat mukofotlari topshirildi
O‘zbekiston Respublikasi Prezidenti Shavkat Mirziyoyevning 2018 yil 8 dekabrda qabul qilingan farmoniga ko‘ra, qishloq xo‘jaligi xodimlari kuni munosabati bilan soha rivojiga munosib hissa qo‘shgan yurtdoshlarimizdan bir guruhi davlatimizning faxriy unvon, orden va medallari bilan taqdirlandi. Ular qatorida Surxondaryo viloyatidan ham soha xodimlari bor. Bugun, 9 dekabr kuni viloyat hokimligida ushbu mukofotlarni tantanali topshirish marosimi o‘tkazildi.  Marosim avvalida viloyat hokimi vazifasini bajaruvchi Bahodir Po‘latov davlatimiz rahbarining 9 dekabr - Qishloq xo‘jaligi xodimlari kuni munosabati bilan soha vakillariga yo‘llagan tabrigini o‘qib eshittirdi. Shundan so‘ng Prezidentimiz nomidan Termiz tumanidagi “Termiz parrandachilik fabrikasi” mas’uliyati cheklangan jamiyati raisi Xolmamat Normurodovga “Fidokorona xizmatlari uchun”, Oltinsoy tumanidagi “Yangi turmush” fermer xo‘jaligi boshlig‘i Ahmad Majidovga “Mehnat shuhrati”, “Amu-Surxon” irrigatsiya tizimlari havza boshqarmasining Uzun tumani irrigatsiya bo‘limi boshlig‘i Yusuf Saidovga “Do‘stlik” ordenlari, Qumqo‘rg‘on tumani veterinariya bo‘limi uchastka boshlig‘i Bahriddin Boboxonovga “Shuhrat” medali tantanali topshirildi. Marosimda so‘zga chiqqan mukofotlanganlar yuksak e’tibori, qishloq xo‘jaligi xodimlarini qo‘llab-quvvatlayotgani uchun davlatimiz rahbariga minnatdorlik bildirdilar. 
Davlat mukofotlari topshirildi

Muallif:
Matbuot xizmati
09
dek
+5
Bayramlarga ulanar bayram
Bugun, 8 dekabr kuni Termiz shahridagi muhtasham San’at saroyida Qishloq xo‘jaligi xodimlari kuniga bag‘ishlangan bayram tadbiri bo‘lib o‘tdi. Qishloq va suv xo‘jaligi tashkilotlari xodimlari, barcha tumanlardan mirishkor dehqonlar, ilg‘or fermerlar, tomorqa egalari taklif etilgan tadbirda viloyat hokimi vazifasini bajaruvchi Bahodir Po‘latov barchani bayrami bilan muborakbod etdi. Keyingi yillarda mamlakatimizda qishloq xo‘jaligi rivojini yangi bosqichga ko‘tarish, soha xodimlari mehnatini ulug‘lashga qaratilayotgan e’tibor viloyatda ham o‘zining ijobiy samarasini berayotgani aytildi. Qayd etilganidek, joriy yil viloyatda 514 ming tonna g‘alla ishlab chiqarilib, shundan 261 ming tonnasi davlatga sotildi, 152 ming tonnadan ziyod paxta, 1 ming 515 tonna pilla, 1 mln. 476 ming tonna meva-sabzavot va poliz, 282 ming dona tuxum, 119 ming tonna go‘sht va 527 ming tonna sut mahsulotlari yetishtirildi. Qishloq xo‘jaligi mahsulotlarining 6 ming 500 tonnasi qayta ishlanib, 3 mln. 407 ming dollarlik tayyor mahsulot eksport qilindi. 108 mln. 500 ming dollarlik 163 ming 500 tonna ho‘l meva chetga sotildi. Chorvachilik sohasining imkoniyatlarini oshirishga qaratilgan chora-tadbirlarning izchillik bilan amalga oshirilishi natijasida qoramollar bosh sonining o‘sishiga erishildi, 2018 yilning 1 dekabr holatiga yirik shoxli qoramollar 106 foizga, qo‘y va echkilar 103 foizga, parrandalar 117 foizga, ovlangan baliq 135 foizga ko‘paydi. Tantanali tadbirida agrar sohada ulkan yutuqlarni qo‘lga kiritgan, viloyat qishloq xo‘jaligining rivojlanishiga salmoqli hissa qo‘shgan vohadoshlarimizdan bir guruhiga ko‘krak nishonlari, pul mukofotlari, O‘zbekiston Respublikasi Qishloq xo‘jaligi vazirligi tashakkurnomasi, viloyat hokimligining faxriy yorliq va esdalik sovg‘alari topshirildi. Bayram tadbiri “Afruz” tantanalar saroyida to‘kin dasturxon atrofida davom etdi. San’atkorlar ijrosidagi kuy-qo‘shiqlar yig‘ilganlarga bir olam zavq ulashdi. Qishloq xo‘jaligi xodimlari kuni munosabati bilan “Surxon” sport majmuasida milliy kurash bo‘yicha musobaqa ham tashkil etildi. Eslatib o‘tamiz, bayram tadbirlari, kurash va uloq-ko‘pkari musobaqalari viloyatimizning barcha shahar va tumanlarida bo‘lib o‘tadi.
Bayramlarga ulanar bayram

Muallif:
Matbuot xizmati
08
dek
+4
Konstitutsiya – ulkan marralarimiz asosi
Surxondaryo viloyati hokimi vazifasini bajaruvchi Bahodir Po‘latovning O‘zbekiston Respublikasi Konstitutsiyasi qabul qilinganining 26 yilligiga bag‘ishlab Termiz shahridagi San’at saroyida o‘tkazilgan bayram tadbiridagi tabrigi Assalomu alaykum, aziz vohadoshlar! Qadrli tadbir ishtirokchilari! Avvalombor, sizlarni, sizlar orqali barcha vohadoshlarimizni O‘zbekiston Respublikasi Konstitutsiyasi qabul qilinganining 26 yillik bayrami bilan chin qalbimdan samimiy muborakbod etishga ruxsat bergaysiz. Dunyodagi rivojlangan demokratik davlatlarda hech bir shaxs, hech bir fuqaro o‘z ijtimoiy-shaxsiy hayotini, o‘zining huquqlari va qonuniy manfaatlari himoyasini Konstitutsiyasiz tasavvur eta olmaydi.  Har bir shaxs kundalik hayotida Konstitutsiyada belgilab qo‘yilgan huquq va erkinliklarga bevosita murojaat qiladi hamda asosiy qonunga o‘zining xuquq va erkinliklarini kafolatlab beruvchi oliy yuridik hujjat sifatida qaraydi. O‘zbekiston Respublikasi Konstitutsiyasi ham bugungi kunda barchamiz uchun mo‘‘tabar ijtimoiy-huquqiy qadriyatga aylangan. Uning hayotbaxsh kuchini, barqarorlashtiruvchi ta’sirini hammamiz ko‘rib, his qilib turibmiz. Chunki, o‘tgan yillar davomida yurtimiz tinchligi, Vatanimiz taraqqiyoti va xalqimiz farovonligini ta’minlash borasida qanday ulkan muvaffaqiyatlarni qo‘lga kiritgan bo‘lsak, bularning barchasiga Konstitutsiyamiz tufayli erishmoqdamiz. Muhtaram Prezidetimiz Shavkat Miromonovich Mirziyoyev ta’kidlaganlari-dek,   O‘zbekiston Respublikasi Konstitutsiyasi xalqimiz siyosiy-huquqiy tafakkurining yuksak namunasidir. U hech kimga qaram bo‘lmasdan, erkin va ozod, tinch va osoyishta, farovon yashashning qonuniy kafolati bo‘lib kelmoqda. Bozor munosabatlariga asoslangan huquqiy demokratik davlat, kuchli fuqarolik jamiyati barpo etish borasida mustahkam poydevor bo‘lib xizmat qilmoqda. Shuning uchun ham Konstitutsiyamizning ahamiyati va mohiyatini, hayotimizdagi o‘rni va ta’sirini, qadr-qimmatini yanada chuqurroq anglab bormoqdamiz va unga bo‘lgan hurmat-e’tiborimiz tobora ortmoqda. Qadrli tadbir ishtirokchilari! Mamlakatimiz istiqlolga erishgach, inson omiliga eng oliy qadriyatlardan biri sifatida qaraldi, uning sha’ni va qadr-qimmatini e’zozlash, huquq va erkinliklarini, qonuniy manfaatlarini muhofaza qilish ustuvor vazifa darajasiga ko‘tarildi. Buning uchun demokratik huquqiy davlat va kuchli fuqarolik jamiyatini shakllantirish bosh maqsad qilib belgilandi.  Bundan 26 yil muqaddam qabul qilingan, xalqimizning mustaqillik va erkinlikni
Konstitutsiya – ulkan marralarimiz asosi

Muallif:
Matbuot xizmati
07
dek
+3
Surxondaryoda Bosh Qomusimiz qabul qilinganligining 26 yilligi keng tantana qilinmoqda
6 dekabr kuni Termiz shahridagi muhtasham San’at saroyida O‘zbekiston Respublikasi Konstitutsiyasi qabul qilinganining 26 yilligiga bag‘ishlangan tantanali tadbir bo‘lib o‘tdi. Unda viloyat faollari, davlat va jamoat tashkilotlari, keng jamoatchilik vakillari, fan, madaniyat, san’at va sport namoyandalari ishtirok etdilar. Bayram tadbirida Surxondaryo viloyati hokimi vazifasini bajaruvchi Bahodir Po‘latov ma’ruza qildi. Unda ta’kidlanganidek, o‘tgan yillar davomida yurtimiz tinchligi, Vatanimiz taraqqiyoti va xalqimiz farovonligini ta’minlash borasida qanday ulkan muvaffaqiyatlarni qo‘lga kiritgan bo‘lsak, bularning barchasiga Konstitutsiyamiz tufayli erishmoqdamiz. Shuning uchun ham Konstitutsiyamizning ahamiyati va mohiyatini, hayotimizdagi o‘rni va ta’sirini, qadr-qimmatini yanada chuqurroq anglab bormoqdamiz va unga bo‘lgan hurmat-e’tiborimiz tobora ortmoqda. Xabaringiz bor, Davlatimiz rahbarining 2017 yil 13 iyuldagi “Mahalla iftixori” ko‘krak nishonini ta’sis etish to‘g‘risida”gi qarori mahalla tizimi rivojiga munosib hissa qo‘shib kelayotgan yurtdoshlarimiz mehnatiga munosib rag‘bat bo‘ldi. Ilk bor berilayotgan ushbu nishonga joriy yilda viloyatimizdan 25 nafar faol va tashabbuskor fuqaro hamda jamoatchilik tuzilmalari vakillari munosib ko‘rildi.  Tadbirda ushbu ko‘krak nishoni, uning guvohnomasi va pul mukofoti o‘z egalariga tantanali ravishda topshirildi. Viloyatimiz va poytaxtdan tashrif buyurgan san’atkorlar, xususan, xushovoz xonanda Nargiza Azimova, O‘zbekistonda xizmat ko‘rsatgan artist Abdurashid Yo‘ldoshev ijrosidagi dilbar kuy-qo‘shiqlar bayram tarovatiga o‘zgacha kayfiyat, quvonch bag‘ishladi. Bayram tadbirlari viloyatning shahar va tumanlarida davom etmoqda.
Surxondaryoda Bosh Qomusimiz qabul qilinganligining 26 yilligi keng tantana qilinmoqda

Muallif:
Matbuot xizmati
06
dek
+3
Fotoreportaj: do‘stlik va ijodiy hamkorlik konserti
Termiz shahrida o‘tkazilayotgan Koreya madaniyati kunlari doirasida bugun O‘zbekiston koreys madaniyat markazlari uyushmasi qoshidagi “Koryo” raqs ansambli hamda viloyatimizning “Boysun” folklor-etnografik xalq ansambli ijrosida qo‘shma konsert bo‘lib o‘tdi. Unda o‘zbek va koreys san’at namoyandalari tomonidan ijro etilgan  xalq qo‘shiqlari, termalar va milliy raqslar barchaga xushkayfiyat ulashdi. Tadbirda Koreya Respublikasining O‘zbekistondagi Favqulodda va Muxtor elchisi Kvon Yon U hamda Surxondaryo viloyati hokimining o‘rinbosari Ro‘zimurod Choriyev ishtirok etdi va so‘zga chiqdi.
Fotoreportaj: do‘stlik va ijodiy hamkorlik konserti

Muallif:
Matbuot xizmati
05
dek
+4
Termizda Janubiy Koreya kinolari festivali ochildi
B ugun Termiz shahrida boshlangan Koreya madaniyati kunlari doirasida kinofestival ochildi. “Yoshlar markazi”da tashkil etilgan ushbu marosimda Surxondaryo viloyati hokimligi mutasaddilari, Koreya Respublikasining O‘zbekistondagi elchixonasi, qator yirik kompaniyalari “Koryo” raqs ansambli vakillaridan iborat delegatsiya a’zolari va san’atsevar tomoshabinlar ishtirok etdi. Unda so‘zga chiqqan viloyat hokimining o‘rinbosari Ro‘zimurod Choriyev hamda Koreya Respublikasining mamlakatimizdagi favqulodda va muxtor elchisi Kvon Yon U ushbu kinofestival o‘zbek va koreys xalqlari o‘rtasidagi do‘stlik, madaniy aloqalarni yanada mustahkamlash, yoshlar o‘rtasida ezgu g‘oyalarni targ‘ib qilishga xizmat qilishi bilan ahamiyatli ekanligini ta’kidlashdi. Madaniy anjuman Li Xvan Gyon tomonidan suratga olingan "Yettinchi kameradagi mo‘jiza" filmi bilan boshlandi. Unda oilaviy munosabatlar, yoshlar hayoti, sadoqat va inson irodasi haqida hikoya qilinadi. Viloyatimiz kino ixlosmandlari 6 dekabrga qadar davom etadigan tadbir kunlari Janubiy koreyalik kinoijodkorlarning “G‘aroyib tush” va “Faqat sen” filmlarini tomosha qilish imkoniga ega bo‘lishadi.
Termizda Janubiy Koreya kinolari festivali ochildi

Muallif:
Matbuot xizmati
04
dek
+3
Mehrga muhtoj insonlar doimo ardoqda
Har yili 3 dekabr sanasining mamlakatimizda xalqaro nogironlar kuni sifatida nishonlanishi xalqimizning qalbi mehr va saxovatga to‘la ekanligidan dalolat beradi. Yurtimizda nogironligi bo‘lgan shaxslar davlatimiz tomonidan muhofazaga olingan, ularga doimo g‘amxo‘rlik ko‘rsatiladi. O‘zgalar mehri va yordamiga muhtojlarning uylariga borib, holidan xabar olinadi, moddiy va ma’naviy yordamlar ko‘rsatiladi. Sana munosabati bilan Surxondaryoda ham nogironligi bo‘lgan shaxslarni har taraflama qo‘llab-quvvatlashga qaratilgan keng qamrovli tadbirlar amalga oshirilmoqda. Ularning xonadonlariga borilib, holidan xabar olinmoqda, xayriya va saxovat yordamlarini ko‘rsatilmoqda. Xususan, bugun Termiz shahridagi “Grand Almaz” tantanalar saroyida bo‘lib o‘tgan bayram tadbiri imkoniyati cheklangan kishilar bee’tibor emasliklari, ular uchun barcha qatori imkoniyat yaratilganligining dalili sifatida namoyon bo‘ldi. Ularga viloyat hokimligi va hamkor tashkilotlarning esdalik sovg‘alari, ko‘plab protez-ortopediya mahsulotlari, nogironlik aravachalari, eshitish moslamalari, hassa va qo‘ltiq tayoqlar hadiya etildi. To‘kin dasturxon, san’atkorlar tomonidan ijro etilgan kuy-qo‘shiqlar tadbirga yanada joziba bag‘ishlab, barchaga xush kayfiyat ulashdi. Tantanali tadbirda Surxondaryo viloyati hokimining o‘rinbosari O‘ktam Qobilov ishtirok etdi va so‘zga chiqdi.
Mehrga muhtoj insonlar doimo ardoqda

Muallif:
Matbuot xizmati
03
dek
+5
Jasorat va mardlik e’tirofi
Yurtimizdagi tinchlik va osoyishtalikning barqarorligi iqtisodiy-ijtimoiy taraqqiyotning, xalqimiz farovonligining ishonchli kafolati bo‘lib xizmat qilmoqda. Bunda ichki ishlar idoralari xodimlarining ham alohida o‘rni bor. O‘zbekiston Respublikasi ichki ishlar idoralari xodimlari kuni keng nishonlanayotgani ushbu mas’uliyatli kasb sohiblariga bo‘lgan e’tiborning yorqin namunasidir. Mazkur sana munosabati bilan Termiz shahridagi “Afruz” tantanalar saroyida tantanali tadbir bo‘lib o‘tdi. Unda so‘zga chiqqan viloyat hokimi Bahodir Po‘latov, viloyat prokurori Ulug‘bek Qosimov, ichki ishlar boshqarmasi boshlig‘i Shuxrat Satvoldiyev va boshqalar ichki ishlar tizimida kechayotgan islohotlar, soha vakillarining tinchlik va osoyishtalikni ta’minlash borasidagi fidokorona faoliyati to‘g‘risida to‘xtalishib, mardona xizmatlari uchun samimiy minnatdorchilik bildirdilar. Tadbirda el-yurt tinchligi, osoyishtaligini ta’minlash, jamoat tartibini saqlash, jinoyatchilikka qarshi kurashish, sodir etilgan jinoyatlarni fosh etishda jonbozlik ko‘rsatgan, o‘z xizmat vazifasiga vijdonan yondashgan bir guruh xodimlar maxsus unvon, ko‘krak nishoni, faxriy yorliq va esdalik sovg‘alari bilan taqdirlandilar. Ishtirokchilar uchun yozilgan dasturxon, san’atkorlar tomonidan ijro etilgan kuy-qo‘shiqlar tadbirga yanada joziba bag‘ishlab, barchaga xush kayfiyat ulashdi.
Jasorat va mardlik e’tirofi

Muallif:
Matbuot xizmati
03
dek
+1

 *
© Surxondaryo viloyati hokimligi rasmiy sayti
www.uz
Sayt muallifi: "Axborot-kommunikatsiya texnologiyalarini rivojlantirish markazi" DUK