POKISTON DELEGATSIYASI A’ZOLARI VILOYATIMIZNING DIQQATGA SAZOVOR JOYLARIDA BO‘LISHDI
Pokiston Islom Respublikasining Islomobod, Peshovar, Karachi va boshqa hududlaridan 45 nafardan ortiq “Naqshbandiya” tariqati vakillari Surxondaryoning Termiz shahri, Termiz va Sherobod tumanlarida bo‘lib, muqaddas qadamjolarni ziyorat qilishdi. 
POKISTON DELEGATSIYASI A’ZOLARI VILOYATIMIZNING DIQQATGA SAZOVOR JOYLARIDA BO‘LISHDI

Muallif:
Matbuot xizmati
15
okt
+1
BOYSUNDA DINOZAVRLARNING YANGI IZLARI TOPILDI
Rossiya, Fransiya va Shvetsariya speleologlaridan iborat xalqaro ekspeditsiya a’zolari joriy yilning 3 avgustidan 17 avgustigacha Boysun tog‘laridagi Boybuloq g‘orini tadqiq qilish jarayonida Tiranozavrlarnikiga o‘xshash bir necha izlarni topdilar. “Bizning davrimizda dinozavrlarning yangi xalqasini topish - ancha kam uchraydigan hodisa. Bundan oldin Xo‘ja G‘urg‘ur Ota tog‘ tizmasida dinozavrlarning izlari topilgan edi. Bu gal esa Cho‘lbayir tizmasida ilk bor dinozavrlarning izlari topildi. Izlar Boybuloq g‘ori yaqinida, g‘ordan balandlikka ko‘tarilib boraverish joyida topildi. Izlarning uch tirnoqli ekanidan kelib chiqib mutaxassislar bu dinozavrlarning yirtqich turi vakilining izi deb o‘ylashadi. Cho‘lbayirdagi dinozavr izlari bir necha million yillik izlar, deb aytish mumkin”, - deydi xalqaro ekspeditsiya rahbari Vadim Loginov. Boybuloq g‘ori Osiyodagi eng chuqur g‘or hisoblanadi. Uning chuqurligi 1415 metrni tashkil etadi. Boysuntog’ning Xo‘ja G‘urg‘ur Ota tizmasidagi “Qorong‘u yulduz” g‘orlar tizimi esa dunyodagi eng chuqur g‘or bo‘lishi mumkin, ammo hozircha qator sabablar bois ushbu g‘orlar tizimini to‘liq o‘rganishning imkoni bo‘lmagan.
BOYSUNDA DINOZAVRLARNING YANGI IZLARI TOPILDI

Muallif:
Matbuot xizmati
11
okt
0
TERMIZDA MARKAZIY OSIYO YOSHLARINING DO‘STLIK FORUMI BOSHLANDI
Termiz shahridagi xalqaro yoshlar oromgohida Markaziy Osiyo yoshlarining do‘stlik forumi tashkil etildi. Tadbirga qo‘shni Afg‘oniston, Qozog‘iston, Qirg‘iziston va Tojikistondan kelgan faol yoshlar “Termiz” xalqaro aeroportida tantanali kutib olindi. Forum ishtirokchilari 5 kun davomida o‘zaro fikr almashib, salomatlik, sport va tabiat muhofazasi muammolari yechimlarini muhokama etadi. Fan, ta’lim, madaniyat kabi sohalarning yangi yutuqlari va eng yaxshi ta’lim modellari taqdimotlarini o‘tkazadi. Yosh kinematograflar taqdimoti, yosh diplomatlarning “O‘rta Osiyo mintaqasida tinchlik va xavfsizlikni ta’minlash” mavzusidagi forumi o‘tkaziladi. — “Muammolarni hal etishda ko‘ngilli yoshlarni jalb etish mexanizmlari” mavzusida ma’ruza tayyorlab kelganman, — deydi afg‘onistonlik Saodatzoda Saidjamoliddin. — Har bir mamlakat yoshlarining o‘ziga xos dunyoqarashi bor. Ushbu forum qo‘shni davlatdagi tengdoshlar bilan suhbatlashish, tajriba almashish imkoniyatini beradi. Tadbir doirasida milliy raqs va milliy liboslar ko‘rgazmalari, maqom kechasi tashkil etish, Termiz davlat universitetida ilmiy konferensiya o‘tkazish, ishtirokchilarni tarixiy obidalar va zamonaviy inshootlar bilan yaqindan tanishtirish rejalashtirilgan. Forum 15 oktabrga qadar davom etadi.
TERMIZDA MARKAZIY OSIYO YOSHLARINING DO‘STLIK FORUMI BOSHLANDI

Muallif:
Matbuot xizmati
10
okt
+1
ELNI AZIZ QILAR ELDA AZIZLAR
O‘qituvchi — kelajak me’mori. Uning mashaqqatli mehnati doimo el-yurt ardog‘ida. 1 oktyabrning mamlakatimizda O‘qituvchi va murabbiylar kuni - umumxalq bayrami sifatida keng nishonlanishi ham bu mo‘tabar kasb egalariga bo‘lgan yuksak e’tibor namunasidir. Uning zamirida o‘qituvchilarning sharafli va mas’uliyatli mehnatini e’zozlash, ularni qo‘llab-quvvatlash, moddiy va ma’naviy rag‘batlantirishdek ezgu maqsad mujassam. Ushbu sana munosabati bilan bugun Termiz shahridagi muhtasham San’at saroyida o‘tkazilgan bayram tadbiriga viloyatning barcha hududlaridan ilg‘or o‘qituvchilar, ijodiy-ma’rifiy tanlovlarda muvaffaqiyatli ishtirok etgan pedagoglar, faxriy ustozlar taklif etildi. Tadbir avvalida mamlakatimiz ta’lim sohasida uzoqni ko‘zlab amalga oshirilayotgan islohotlar mazmuni va ahamiyati haqida so‘z yuritildi, butun ongli hayotini yosh avlodga bilim va tarbiya berishga baxshida etayotgan ustoz va murabbiylarimizning zahmatli mehnati e’tirof etildi. Soha rivoji uchun kamarbasta bo‘lgan xodimlardan bir guruhiga viloyat hokimligining faxriy yorliq va esdalik sovg‘alari topshirildi. Viloyat musiqali drama teatri jamoasi tomonidan qayta sahnalashtirilgan “Alisher Navoiy” spektakli namoyishi boshlanganda tomoshabinlar O‘zbekiston va Qoraqalpog‘iston xalq artisti Muhammadali Abdiqunduzovning chiqishini gulduros qarsaqlar bilan olqishlashdi. Muvaffaqiyatli sahnalashtirilgan spektakl davomida insonlar baxtu-saodati, xalq farovonligi, mamlakat obodonligi uchun ulkan hissa qo‘shgan Alisher Navoiy obrazi talqini o‘qituvchi va murabbiylarni ulug‘ shoir shaxsiga yanada yaqinlashtirdi. Shundan so‘ng bayram tadbiri to‘kin dasturxon atrofida davom etdi. Ilmu ma’rifat charog‘bonlari – o‘qituvchi va murabbiylarga bildirilgan samimiy tilaklaru tabriklar qo‘shiq va raqslar guldastasiga ulanib ketdi. San’at ustalari va iste’dodli yosh ijrochilar ishtirokidagi konsert namoyishi bayram tarovatiga o‘zgacha kayfiyat, quvonch bag‘ishladi. Tantanali tadbirda Surxondaryo viloyati hokimi Bahodir Po‘latov ishtirok etdi.
ELNI AZIZ QILAR ELDA AZIZLAR

Muallif:
Matbuot xizmati
29
sen
+1
DUSHANBE SAFARI: YAXSHI QO‘SHNICHILIK ALOQALARI MUSTAHKAMLANMOQDA
Surxondaryo viloyati hokimi Bahodir Po‘latov O‘zbekiston Respublikasining Tojikistondagi elchisi taklifiga ko‘ra, elchixona tashabbusi bilan Dushanbe shahrida mamlakatimiz mustaqilligining 27 yilligi munosabati bilan o‘tkazilgan bayram tadbirida ishtirok etdi. “Tojikiston” mehmonxonasining marosimlar zalida tashkil etilgan  bayram tadbiriga Tojikiston hukumati a’zolari, xorijiy diplomatik korpus vakillari, o‘zbek millatga mansub fuqarolar va o‘zbekistonlik talaba-yoshlar ham tashrif buyurdi. Ikki davlat o‘rtasida muntazamlik kasb etgan oliy darajadagi uchrashuvlarning mantiqiy davomi bo‘lgan ushbu tadbirda so‘zga chiqqanlar yig‘ilganlarni eng ulug‘, eng aziz bayram bilan bilan qutlashib, mustaqillikni mustahkamlash yo‘lida dadil odimlayotgan do‘st va qardosh o‘zbek xalqiga baxt-saodat va farovonlik tilashdi. Bayram tadbirida ikki davlat tilida yangragan kuy-qo‘shiqlar va ijro etilgan raqslar barcha mehmonlarga ko‘tarinki kayfiyat ulashdi. Shundan so‘ng do‘stona va samimiy ruhda bo‘lib o‘tgan muloqot va uchrashuvlarda chegaraoldi mintaqalar o‘rtasida savdo-iqtisodiy, ilmiy-texnikaviy va madaniy-gumanitar hamkorlikni yanada mustahkamlash masalalari muhokama etildi.
DUSHANBE SAFARI: YAXSHI QO‘SHNICHILIK ALOQALARI MUSTAHKAMLANMOQDA

Muallif:
Matbuot xizmati
20
sen
+7
SAN’AT BAYRAMIDA SURXONDARYOLIKLARNING FAOL ISHTIROKI ALOHIDA E’TIROF ETILDI
Joriy yilning 6-10 sentabr kunlari Shahrisabz shahrida davlatimiz rahbari tashabbusi bilan ilk marotaba Xalqaro maqom san’ati anjumani ko‘tarinki ruhda o‘tkazilganligidan xabaringiz bor. Ushbu san’at bayramida Surxondaryo viloyati jamoasi ham faol ishtirok etdi. Xususan, Oqsaroy atrofidagi maydonda vohamizning turmush tarzi, an’ana va urf-odatlarini ifoda etuvchi etnografik shaharcha barpo etildi. Undagi mo‘‘jaz sahnada teatrlashtirilgan tomoshalar, folklor jamoalarining chiqishlari, hunarmandlar ko‘rgazma-yarmarkasiga qo‘yilgan vohaning boy tarixidan darak beruvchi qadimiy so‘zana va liboslar, gilamlar, milliy cholg‘ular, sopol buyumlar namunalari hamda milliy taomlar namoyishi 73 davlatdan kelgan 300 dan ziyod ishtirokchi va mehmonlarga hayrat ulashdi. O‘zbek milliy maqom san’atining noyob namunalarini targ‘ib etish, uni asrab-avaylash, yosh avlodni mumtoz navolarga hurmat ruhida tarbiyalash, xalqlar o‘rtasida do‘stlik rishtalarini mustahkamlashga xizmat qilgani bilan ahamiyatli bo‘lgan ushbu ushbu anjumanda Surxondaryo viloyati jamoasining faol ishtiroki, uning teatrlashtirilgan tomoshalari, folklor chiqishlari va ko‘rgazma-yarmarkasi yuksak saviyada tashkil etilgani alohida e’tirof etildi. Surxondaryo viloyati hokimligi I-Xalqaro maqom san’ati anjumani tashkiliy qo‘mitasining tashakkurnomasi bilan taqdirlandi.
SAN’AT BAYRAMIDA SURXONDARYOLIKLARNING FAOL ISHTIROKI ALOHIDA E’TIROF ETILDI

Muallif:
Matbuot xizmati
13
sen
+7
“TERMIZ-DUSHANBE” HAMDA “DENOV-DUSHANBE” AVTOBUSLAR QATNOVI YO‘LGA QO‘YILDI
O‘zbekiston va Tojikiston bir-biriga chambarchas bog‘langan mamlakatlardir. Bizning dinimiz bir, an’analarimiz va turmush tarzimiz ham bir-biriga o‘xshash. O‘zbek va tojik xalqi azaldan bir daryodan suv ichgan, qarindoshlik, quda-andachilik rishtalari bilan mustahkam bog‘langan. Shu bois, bizni “ikki tilda gaplashuvchi bir xalq” deyishadi. So‘nggi yillarda O‘zbekiston va Tojikiston o‘rtasidagi munosabatlarda ijobiy o‘zgarishlar kuzatilmoqda. Davlatlarimiz o‘rtasida avtomobil, temir yo‘l va havo qatnovi yo‘nalishlarining qayta tiklanishi, chegaradagi barcha nazorat-o‘tkazish postlarining ochilishi, turli sohalarda o‘zaro aloqalarning tobora kengayib borayotganligi ikki mamlakat rahbarlarining odilona siyosati samarasidir. Joriy yilning 8 centyabrdan boshlab “Termiz-Dushanbe” hamda “Denov-Dushanbe” yo‘nalishlarida xalqaro avtobuslar qatnovining yo‘lga qo‘yilishi bu ikki davlat chegaraoldi mintaqalari o‘rtasidagi aloqalarini mustahkamlashga ham katta e’tibor qaratilayotganligidan dalolat beradi. Shu munosabat bilan Termiz va Dushanbe shaharlarida o‘tkazilgan tadbirlarda avtobuslar qatnovining yo‘lga qo‘yilishi aholiga qator qulayliklar yaratishi, o‘zaro hamkorlikning yangi imkoniyatlarini ochishi ta’kidlandi. O‘zbekiston delegatsiyasi a’zolari yangi yo‘nalishda ilk qatnovni amalga oshirgan, barcha qulayliklarga ega avtobusda Dushanbe shahrining diqqatga sazovor joylari bilan tanishdilar. Qo‘shni mamlakat hukumati hamda Dushanbe shahri rahbariyati vakillari bilan chegaraoldi mintaqalar o‘rtasidagi savdo-iqtisodiy va madaniy gumanitar hamkorlikni rivojlantirish borasida erishilgan kelishuvlar ijrosi yuzasidan muloqotlar o‘tkazildi. Eslatib o‘tamiz, “Termiz-Dushanbe” xalqaro avtobus yo‘nalishining masofasi 251 km, bo‘lib qatnovga sarflanadigan umumiy vaqt 5 soat-u 39 daqiqani tashkil etadi. Yo‘lkira haqi tashuvchilar tomonidan Termizdan Dushanbegacha - 70 ming so‘m. Dushanbedan-Termizgacha esa 70 somoniy qilib belgilangan. Yo‘nalish masofasi 107 km. bo‘lgan “Denov-Dushanbe” xalqaro avtobus yo‘nalishida yo‘lovchilar 2 soat 25 daqiqada o‘z manziliga yetkaziladi. Yo‘lkira haqi tashuvchilar tomonidan Denovdan Dushanbegacha 40 ming so‘m. Dushanbedan Denovgacha esa 40 somoniy etib belgilandi.
“TERMIZ-DUSHANBE” HAMDA “DENOV-DUSHANBE” AVTOBUSLAR QATNOVI YO‘LGA QO‘YILDI

Muallif:
Matbuot xizmati
09
sen
+3
AFG‘ONISTONLIK MEHMONLAR TASHRIFI: HAM SAYOHAT, HAM ZIYORAT
Keyingi yillarda O‘zbekiston va  Afg‘oniston o‘rtasidagi hamkorlikka keng yo‘l ochilmoqda. O‘zbekiston tomoni qo‘shni mamlakatda tinchlik va osoyishtalikning o‘rnatilishi, savdo, iqtisodiyot, transport, madaniyat va boshqa sohalardagi aloqalarimizning rivojlanishi uchun barcha sa’y-harakatlarni safarbar etmoqda.  Xususan, afg‘onistonliklar uchun o‘zbek tilini o‘rgatish, temir yo‘l hamda boshqa sohalar mutaxassislarini tayyorlash maqsadida Surxondaryo viloyatida maxsus ta’lim markazining tashkil etilishi, Termiz shahridagi ixtisoslashgan shifoxonada Afg‘oniston fuqarolariga tibbiy xizmat ko‘rsatish uchun barcha sharoitlarning yaratilishi ikki davlat chegaraoldi mintaqalari o‘rtasidagi aloqalarini mustahkamlashga ham katta e’tibor qaratilayotganligidan dalolat beradi. Surxondaryo viloyati hokimligi taklifi bilan qo‘shni Balx viloyati nuroniylaridan bir guruhining Termiz shahriga tashrifi shunday e’tibor samarasidir. Tashrif davomida mehmonlar Sherobod tumanidagi Abu Iso at-Termiziy, Termiz tumanidagi Al Hakim at-Termiziy ziyoratgohlari, Sulton Saodat yodgorlik majmuasini ko‘zdan kechirdilar. Afg‘oniston fuqarolarini o‘qitish ta’lim markazida yaratilgan sharoit va imkoniyatlar bilan tanishib,  ixtisoslashgan shifoxonada tibbiy ko‘rikdan o‘tdilar. Afg‘onistonlik mehmonlar viloyat hokimi Bahodir Po‘latov bilan ham uchrashib, ushbu xayrli tashabbus uchun o‘z minnatdorchiliklarini bildirdilar.
AFG‘ONISTONLIK MEHMONLAR TASHRIFI: HAM SAYOHAT, HAM ZIYORAT

Muallif:
Matbuot xizmati
09
sen
+3
OLIS, CHEKKA VA CHEGARA OLDI HUDUDLARDA BAYRAM TADBIRLARI DAVOM ETMOQDA
O‘zbekiston Respublikasi davlat mustaqilligining 27 yilligini munosib kutib olish va nishonlash maqsadida viloyatimizning barcha shahar va tumanlarining chekka hududlarida “Aziz va yagonamsan jonajon, O‘zbekistonim!” shiori ostida qator ma’naviy-ma’rifiy tadbirlar o‘tkazilmoqda. Xususan, Jarqo‘rg‘on tumanining “Kamar”, “Qiron”,  Boysun tumanining “Omonxona”, “Mehrobod”, Sho‘rchi tumanining “Yoshg‘ayrat”, “To‘la”, Oltinsoy tumanining “Mustaqillikning 10 yilligi”, Sariosiyo tumanining So‘fiyon, Sherobod tumanining Poshxurt va Xatak singari mahalla va qishloqlarida bo‘lib o‘tayotgan uchrashuvlar mustaqillik tarixi, istiqlolni qadrlash, uni yanada mustahkamlashga, fuqarolarning mafkuraviy immunitetini yanada kuchaytirish, ularda vatanparvarlik, shukronalik hissini kamol toptirish va kelajakka bo‘lgan ishonchini yanada orttirishga, ularni turli yot g‘oyalar, zararli illatlar ta’siridan ishonchli asrash va himoyalashga xizmat qilishi bilan ahamiyatli bo‘lmoqda. O‘tkazilayotgan uchrashuvlarda poytaxtdan tashrif buyurgan targ‘ibot guruhi a’zolari - O‘zbekiston xalq artistlari (Aziza Begmatova), fan doktorlari (Barno Ubaydullayeva), shoiralar (Dilorom Ismoilova, Muxayyo Mirsaidova), kino va teatr aktyorlari (Bahodir Mirmaqsudov, Muhabbat Abdullayeva), ma’naviyatchilar (I.Absalomov, M.Zikirova), shuningdek, viloyat “Ma’rifat” targ‘ibotchilari jamiyati a’zolari  ishtirok etayotgani ularning mazmunli o‘tishida muhim omil bo‘layotir.
OLIS, CHEKKA VA CHEGARA OLDI HUDUDLARDA BAYRAM TADBIRLARI DAVOM ETMOQDA

Muallif:
Matbuot xizmati
25
avg
+5
SURXONDARYO BAXSHI-SHOIR, OQIN VA JIROVLARNI IJODIY BELLASHUVGA CHORLAYDI
Joriy yilning 28-29 iyul kunlari Oltinsoy tumanining so‘lim Vaxshivor qishlog‘ida Surxondaryo viloyati hokimligi hamda O‘zbekiston Respublikasi Madaniyat vazirligi hamkorligida “Baxshi-shoir, oqin va jirovlarning” Respublika festivali bo‘lib o‘tadi. Festivalni o‘tkazishdan maqsad xalqimizning nomoddiy meroslaridan bo‘lgan baxshichilik va dostonchilik san’ati ijrochiligini rivojlantirish, yurtimizning munosib vorislari bo‘lgan yoshlar qalbida milliy qadriyatlarimizga bo‘lgan e’tiborini yanada kuchaytirish, Qoraqalpog‘iston Respublikasi va viloyatlarda faoliyat olib borayotgan baxshi-shoirlar, oqinlar, jirovlar va xalfalarning ijodiy ishlari bilan yaqindan tanishish, shuningdek baxshichilik san’atini keng targ‘ib etishdan iboratdir. Festivalda Shoberdi Boltayev, Abdunazar Poyonov singari 30 dan ortiq surxondaryolik, shuningdek, respublikamizning turli viloyatlaridan taklif etilgan mohir baxshi-shoir, oqin va jirovlar kuylanayotgan asarlarning janr xususiyati, matn va ohang uyg‘unligi, ijro mahorati va sahnada o‘zini tutish madaniyati, so‘z o‘yinlari, maqol va xalq iboralaridan unumli foydalanish, improvizatsiya qobiliyati kabi mezonlar bo‘yicha ijodiy bellashadilar. Bellashuvda turli nominatsiyalar bo‘yicha g‘olib deb topilgan ishtirokchilar hamkor tashkilotlarning diplom va faxriy yorliqlari hamda esdalik sovg‘alari bilan taqdirlanadi. Siz ham ushbu festivalga tashrif buyuring, undan oladigan taassurotlaringiz arzirli va ko‘ngilga xush yoquvchi bo‘lajak!
SURXONDARYO BAXSHI-SHOIR, OQIN VA JIROVLARNI IJODIY BELLASHUVGA CHORLAYDI

Muallif:
Matbuot xizmati
27
iyul
+2
Sangardak sharsharasi haqida eshitganmisiz?
Bir vaqtning o‘zida yilning to‘rt faslini kuzatish mumkin bo‘lgan joy haqida eshitganmisiz? Zarrin quyosh nurlari ostida jimjimador yomg‘ir yog‘ishini-chi? Qattiq shamol aralash naqd jala quyib turgan paytda bobo quyosh samoda jilmayib turishini-chi?!  Bunday noyob mo‘jizani bir vaqtning o‘zida kuzatish mumkin bo‘lgan joy uzoqlarda emas, yurtimizda. Bu rang-barang nabotot va turfa hayvonot olami, minglab bulog‘u chashmalari bilan nom qozongan Surxondaryo viloyatidagi Sangardak darasi va sharsharasidir.  Sharsharadan o‘ynoqlab tushayotgan suv jozibasiga qishin-yozin ko‘rk bag‘ishlab turuvchi sumbula o‘tlari hech kimni befarq qoldirmaydi. Tabiatning bu go‘zal tuhfasi qish faslida ham sharsharaga o‘zgacha xusn bag‘ishlab turadi. Suvi muzlab, billur shodalari singari bahaybat sumalak hosil qiladigan sharshara bag‘ridagi sumbula o‘tlari shunchaki o‘smaydi. Mahalliy aholining aytishicha, qadimda go‘zallikda tenggi yo‘q bir hurliqo sevgisiga erisholmagach, tog‘ sharsharasi “unguri”, ya’ni bag‘riga kirib g‘oyib bo‘lgan. Uning mayda o‘rilgan sochlari o‘rnidan sumbula o‘sib chiqadi. Hozirgacha bu sumbula o‘tlar sharshara bag‘rida devor bo‘lib o‘sib turganiga guvoh bo‘lish mumkin. Uning bargidagi marjon tomchilar o‘sha suluv qizning ko‘z yoshlari emish.  Dengiz sathidan 2000 metr balandlikdan otilib tushuvchi sharshara tabiatning fusunkor mo‘jizasidir. Atrofdagi qoyalarga urilib yuksaklikdan oqadigan sharshara ko‘zni quvontiradi. Misli kamalakdek tovlanib, sachrayotgan zilol suv bahri dilingizni ochib, xush kayfiyat bag‘ishlaydi. Uning suvi sovuq bo‘lsa-da, salomatlikka ziyon qilmaydi, aksincha, vujudni tetiklashtiradi.  Sharsharaning tovushi asabni tinchlantirib, yurakka quvvat beradi.                                                                                                                                Jonibek Qo‘zimurodov (surat), O‘zA
Sangardak sharsharasi haqida eshitganmisiz?

Muallif:
Matbuot xizmati
24
iyul
+4
KICHIK TURIZM ZONALARI
O‘zbekiston Respublikasi Prezidentining 2018 yil 7 fevraldagi “Ichki turizmni jadal rivojlantirishni ta’minlash chora-tadbirlari to‘g‘risida”gi hamda O‘zbekiston Respublikasi Vazirlar Mahkamasining 2018 yil 3 maydagi “Surxondaryo viloyatida turizm sohasini rivojlantirish chora-tadbirlari to‘g‘risida” 324-sonli qarorlari tasdiqlangandan so‘ng viloyatimizga tashrif buyurayotgan xorijiy va mahalliy turistlar sonini ko‘paytirish va ularning viloyatimizdagi sayohat kunlarini uzaytirish maqsadida viloyatimizning tog‘li hududlarida “kichik turizm zonalari”ni tashkil qilish vazifasi belgilab qo‘yildi.
KICHIK TURIZM ZONALARI

Muallif:
Matbuot xizmati
24
iyul
+4

 *
© Surxondaryo viloyati hokimligi rasmiy sayti
www.uz
Sayt muallifi: "Axborot-kommunikatsiya texnologiyalarini rivojlantirish markazi" DUK