BUNYODKORLIK ISHLARIMIZ XALQIMIZ MANFAATLARIGA XIZMAT QILSIN
Bugun viloyatimiz hokimi Bahodir Po‘latov Termiz shahrida olib borilayotgan keng miqyosdagi qurilish va obodonlashtirish ishlari bilan tanishdi. Xususan, ehtiyojmand oilalarning uy-joyga bo‘lgan talabini qondirish maqsadida Sulton Saodat ko‘chasida bunyod etilayotgan 10 ta yetti qavatli arzon uy-joylar, ularning atrofidagi ikkita maktabgacha ta’lim muassasasi, savdo va maishiy xizmat ko‘rsatish ob’ektlari va mahalla markazi qurilishi, shuningdek, shaharning turli hududlarida milliy gvardiya bo‘linmasi, ichki ishlar va harbiy qismlar, davlat xavfsizlik xizmati xodimlari hamda madaniyat va san’at fidoyilari uchun barpo qilinayotgan ko‘pqavatli yangi uy-joylar qurilishi bilan qiziqdi. Tanishuv asnosida ushbu ob’ektlarni barpo etishdan maqsad xalqimiz turmush farovonligini oshirish, aholiga savdo va xizmat ko‘rsatish madaniyatini yanada yuksaltirishdan iborat ekanligi ta’kidlanib, ularni zamonaviy arxitektura asosida qurish, atrofini obodonlashtirish, odamlarga qulayliklar yaratishga alohida e’tibor qaratish zarurligi ta’kidlandi. Shuningdek, viloyatimiz hokimi Termiz shahrida yangi barpo etilgan San’at saroyi va amfiteatrda yaratilgan sharoitlarni ko‘zdan kechirdi. Milliy va zamonaviy me’morchilik uyg‘unligida bunyod etilayotgan yangi jome masjidi, Imom Termiziy xalqaro ilmiy-tadqiqot markazi hamda tug‘ruqxona majmuasi yangi binolari qurilishi, hayvonot bog‘ida amalga oshirilayotgan rekonstruksiya ishlari bilan ham tanishib, bunyodkorlik va obodonlashtirish ishlarini izchil davom ettirish, shahar qiyofasini yanada yaxshilash, aholining dam olishi uchun yanada ko‘proq qulayliklar yaratish, yo‘l bo‘ylarini ko‘kalamzorlashtirish bo‘yicha zarur ko‘rsatmalar berdi.
BUNYODKORLIK ISHLARIMIZ XALQIMIZ MANFAATLARIGA XIZMAT QILSIN

Muallif:
010719977
22
iyul
+3
MAQSADIMIZ - SHAFFOFLIKNI TA’MINLASH VA ADOLAT MEZONLARIGA AMAL QILISH
Xabaringiz bor, oliy ta’lim muassasalariga kirish test sinovlari bu yil yangicha tartibda o‘tkaziladi. Ushbu jarayonda uning adolatli, xolis va shaffof o‘tishini ta’minlash auditoriya nazoratchilari zimmasiga har qachongidan katta mas’uliyat yuklamoqda. Bugun viloyat hokimining o‘rinbosari Ro‘zimurod Choriyev, oliy ta’lim muassasalari rahbarlari, umumiy o‘rta ta’lim maktablari direktorlari hamda test sinovlarini o‘tkazish davrida nazoratchi sifatida jalb etilgan xalq ta’limi tizimi xodimlari ishtirokida o‘tkazilgan yig‘ilishda shu haqda so‘z yuritildi. Unda so‘zga chiqqanlar bu yil auditoriya nazoratchilari ham videokameralar orqali kuzatib borilishi, qoidani buzayotgan abituriyentga e’tiborsiz bo‘lsa, ularga nisbatan ham chora ko‘rilishi, ushbu jarayonda nazoratchilar tomonidan sog‘lom raqobat muhitining ta’minlanishi oliy ta’lim muassasalariga o‘qish uchun bilimli, iqtidorli va munosib nomzodlarni tanlab olishga zamin yaratishini ta’kidlashdi. Yig‘ilish so‘ngida test sinovlari nazoratini sifatli tashkil etish yuzasidan mas’ullarga tegishli yo‘l-yo‘riq va ko‘rsatmalar berildi. Ushbu mas’uliyatli jarayonda qonunbuzilish holatlariga yo‘l qo‘ymaslik to‘g‘risida ulardan kafolat xatlari olindi.
MAQSADIMIZ - SHAFFOFLIKNI TA’MINLASH VA ADOLAT MEZONLARIGA AMAL QILISH

Muallif:
010719977
21
iyul
+2
MAS’ULIYATLI JARAYONGA TAYYORGARLIK QIZG‘IN
Bugun oliy ta’lim muassasalari bakalavriatiga qabul qilish bo‘yicha joriy yilning 1 avgustdan 15 avgustgacha bo‘lgan davrda o‘tkaziladigan test sinovlariga tayyorgarlik ishlarining borishiga bag‘ishlangan yig‘ilish bo‘lib o‘tdi. Unda viloyatimiz hokimi Bahodir Po‘latov hamda aloqador korxona, tashkilot va muassasalar rahbarlari ishtirok etdi. Ta’kidlanganidek, test sinovlari belgilangan kunlarda Termiz olimpiya zahiralari kolleji, “Surxon” sport majmuasi hamda viloyat ixtisoslashtirilgan san’at maktab-internatining katta sig‘imdagi binolarida ikki smenada o‘tkaziladi. Yig‘ilishda test sinovlari o‘tkazilishi belgilangan bino va ularning hududlarini jihozlash, abituriyentlar va ularning ota-onalariga qulay shart-sharoitlar yaratish, test jarayonining oshkora va shaffofligini ta’minlash, uni videokuzatuvlar orqali onlayn tizimda jamoatchilikka, shu jumladan, abituriyentlarning ota-onalariga ko‘rsatib borish, jarayonning nazoratini amalga oshiruvchi mas’ul shaxslar faoliyatini samarali tashkil etish va boshqa qator tashkiliy masalalar atroflicha tahlil qilinib, tegishli vazifalar belgilab olindi.
MAS’ULIYATLI JARAYONGA TAYYORGARLIK QIZG‘IN

Muallif:
010719977
20
iyul
+1
VILOYAT HOKIMI NOGIRONLIGI BO‘LGAN YOSHLAR BILAN UCHRASHDI
Mamlakatimizda yosh avlodni tarbiyalash borasidagi davlat siyosati mazmun-mohiyatini o‘zida ifoda etgan “Yoshlar - kelajagimiz” Davlat dasturida nogironligi bo‘lgan shaxslarning ham o‘zlarini jamiyatning to‘laqonli a’zosi sifatida his qilishi uchun huquqiy, ijtimoiy-iqtisodiy, tashkiliy jihatdan zarur shart-sharoitlar yaratib berish ko‘zda tutilgan. Ushbu maqsaddan kelib chiqqan holda kecha viloyatimiz hokimi Bahodir Po‘latov Sariosiyo tumanida bo‘lib, nogironligi bo‘lgan yoshlar bilan uchrashdi. Uchrashuv davomida imkoniyati cheklangan yoshlarni o‘ylantirayotgan muammolari eshitilib, ularni bartaraf etish yuzasidan mutasaddilarga zarur topshiriqlar berildi. Yigit-qizlarning bir qator taklif va tashabbuslari ham qo‘llab-quvvatlanib, ularni amalga oshirish yuzasidan chora-tadbirlar belgilandi. Xususan, shu kunning o‘zida ularga 25 ta nogironlik aravachasi, 15 ta zamonaviy tikuv mashinkasi, 30 dan ziyod qo‘ltiqtayoqlar va eshitish moslamalari topshirildi. To‘kin dasturxon yozilib, konsert dasturi namoyish etildi. Tashrif asnosida viloyatimiz hokimi tumandagi “Farhod” ayollar muruvvat uyida ham bo‘lib, bu yerda istiqomat qilayotgan imkoniyati cheklangan ayollarning salomatligini mustahkamlash, hayot darajasini yuksaltirish uchun yaratilgan sharoitlar bilan tanishdi. Muassasadagi mavjud ayrim muammo va kamchiliklarni bartaraf etish yuzasidan tegishli ko‘rsatmalar berildi. Bemorlarga esdalik sovg‘alari ulashildi, dasturxon yozilib, osh tarqatildi.  Shuningdek, tumanda o‘tkazilgan uchrashuvlar, O‘zbekiston yoshlar ittifoqi tomonidan tashkil etilgan madaniy-ma’rifiy tadbirlar doirasida yoshlar uchun bo‘sh ish o‘rinlari hamda kitob yarmarkalari, yosh tadbirkor, fermer va hunarmandlar tomonidan ishlab chiqarilayotgan mahsulotlar ko‘rgazmasi, taniqli san’atkorlar va yosh ijrochilar ishtirokida gala konsert ham bo‘lib o‘tdi. Bir so‘z bilan aytganda, viloyatimiz yoshlari ulkan ijodiy, intellektual, ijtimoiy-siyosiy salohiyatga ega. Bugun ularni qo‘llab-quvvatlab, kuch va salohiyatini mamlakatimiz taraqqiyoti va xalqimiz farovonligi yo‘lida safarbar etish eng muhim vazifalarimizdan biridir.
VILOYAT HOKIMI NOGIRONLIGI BO‘LGAN YOSHLAR BILAN UCHRASHDI

Muallif:
010719977
19
iyul
+4
ASOSIY VAZIFA – ODAMLARNING OG‘IRINI YENGIL QILISH
Mahallalardagi ijtimoiy-iqtisodiy va ma’naviy muhitni o‘rganish, aniqlangan muammolarni bartaraf etishga ko‘maklashish maqsadida 10 kun davomida Sherobod tumanida faoliyat olib borgan O‘zbekiston Respublikasi Hisob palatasi raisi boshchiligidagi ishchi guruh bugun o‘z ishini yakunladi. O‘rganish natijalariga bag‘ishlab, bugun tuman hokimligida o‘tkazilgan yig‘ilishda O‘zbekiston Respublikasi Hisob palatasi raisi M.Ikromov, viloyat va tuman hokimliklari mutasaddilari, korxona va tashkilotlar rahbarlari, jamoatchilik vakillari ishtirok etdi. Yig‘ilishda ta’kidlanidek, Respublika, viloyat va tuman ishchi guruhlari a’zolari 106 ta ijtimoiy soha ob’ektlari hamda mavjud 48 ta mahalladagi 31 ming 646 ta xonadonda bo‘lishib, ularning muammolarini o‘rganishdi. Uyma-uy yurish natijasida aholi tomonidan ko‘tarilgan 8 780 ta turli mavzulardagi masalaning 7 287 tasi joyida hal etildi. Ayni paytda esa qolgan 1493 tasining ham ijobiy hal etilishi bo‘yicha ish olib borilyapti. Fuqarolardan tushgan murojaatlar asosan turar joy, kommunal soha, sog‘liqni saqlash, oilalarga imtiyozli kreditlar ajratish, ta’lim sifati, yoshlarni ish bilan ta’minlash masalalariga oid bo‘lib, murojaat qiluvchilarning o‘z dardu tashvishi bilan birga, keng jamoatchilikning muammolarini ko‘tarib chiqayotgani ularda yurt taqdiriga dahldorlik tuyg‘usi yuksalayotganidan dalolat beradi. Xususan, muammolarni bartaraf etish jarayonida aholining toza ichimlik suvi, tabiiy gaz va elektr energiya ta’minotini yaxshilash, suyultirilgan gaz ballonlariga bo‘lgan ehtiyojini qondirish, salomatligini mustahkamlash maqsadida bepul tibbiy ko‘rik tashkil etish, bandligini ta’minlash, keksalar, nogironlar va aholining boshqa ehtiyojmand toifalarini ijtimoiy qo‘llab-quvvatlash, mahallalardagi ichki yo‘llarni ta’mirlash ishlari amalga oshirildi. Yig‘ilishda ishchi guruhlar tomonidan aniqlangan kamchiliklar atroflicha muhokama etildi. Yechimi ma’lum muddatni talab etadigan masalalarni ijobiy hal etish yuzasidan mutasaddilarga tegishli ko‘rsatmalar berildi. Bir so‘z bilan aytganda, mamlakatimizda xalq bilan muloqot qilish, muammolarga tezkor va samarali yechim topishning bu kabi zamonaviy mexanizmi yo‘lga qo‘yilgani odamlarning ertangi kunga ishonchini yanada mustahkamlab, hayotdan rozi bo‘lib yashashiga xizmat qilmoqda.
ASOSIY VAZIFA – ODAMLARNING OG‘IRINI YENGIL QILISH

Muallif:
010719977
18
iyul
+5
INSPEKSIYA XODIMLARIGA XIZMAT AVTOMASHINALARI TOPSHIRILDI
Xabaringiz bor, O‘zbekiston Respublikasi Prezidentining 2018 yil 17 apreldagi 5418-sonli Farmoniga muvofiq, Bosh prokuratura huzurida Agrosanoat majmui va oziq-ovqat havfsizligi ta’minlanishi ustidan nazorat qilish inspeksiyasi tashkil etilgandi. Inspeksiyaning asosiy vazifasi agrosanoat majmui va oziq-ovqat havfsizligi holati, mazkur sohada qonun hujjatlari hamda me’yoriy hujjatlar talablari ijrosi ustidan nazoratni amalga oshirish bo‘lib, uning joylarda hududiy bo‘linmalari faoliyati ham yo‘lga qo‘yilgan. Xususan, inspeksiyaning Surxondaryo viloyati boshqarmasi, uning Termiz shahri va tumanlar bo‘limlari faoliyati samaradorligini oshirish maqsadida O‘zbekiston Respublikasi Bosh prokuraturasi tomonidan ularga xizmat avtotransportlari ajratildi.  Bugun ushbu 14 ta “Nexia”, 1 tadan “Jentra” va “Damas” rusumli avtoulovlarni tantanali topshirish marosimida viloyatimiz hokimi B.Po‘latov, O‘zbekiston Respublikasi Bosh prokurori o‘rinbosari S.Samadov, Qishloq xo‘jaligi vazirining birinchi o‘rinbosari A.Vahobov, inspeksiya xodimlari hamda keng jamoatchilik vakillari ishtirok etdi. Tadbirda aholi farovonligini oshirishning muhim sharti bo‘lgan oziq-ovqat havfsizligini ta’minlashda inspeksiya xodimlari zimmasiga katta mas’uliyat yuklatilgani ta’kidlandi. Shundan so‘ng, inspeksiya boshqarma va bo‘limlari mas’ullariga zamonaviy avtomashinalar kaliti tantanali topshirildi.
INSPEKSIYA XODIMLARIGA XIZMAT AVTOMASHINALARI TOPSHIRILDI

Muallif:
010719977
17
iyul
+3
Aholi sog‘ligini ishonchli muhofaza qilish yo‘lida
Jamiyatning bebaho boyligi bo‘lgan inson salomatligini mustahkamlash, yurtimizda tibbiy xizmat sifatini oshirish bilan bog‘liq masalalar hamisha davlatimiz rahbarining diqqat markazida bo‘lib kelmoqda. 
Aholi sog‘ligini ishonchli muhofaza qilish yo‘lida

Muallif:
010719977
11
iyul
+8
Sifatli ta’lim-tarbiyaga erishish yo‘lida
Oltinsoy tumanidagi bolalar musiqa va san’ati maktabi faollar zalida o‘tkazilgan yig‘ilish tumandagi maktabgacha ta’lim, xalq ta’limi va o‘rta maxsus kasb-hunar ta’limi muassasalarini yangi o‘quv yiliga tayyorlash, o‘tgan o‘quv yilida erishgan yutuq va kamchiliklar tahliliga bag‘ishlandi.  
Sifatli ta’lim-tarbiyaga erishish yo‘lida

Muallif:
010719977
10
iyul
+5
Jamoatchilik nazorati fuqarolik jamiyatining asosi
Oltinsoy tumanida bir oyga yaqin muddat ichida “Jamoatchilik nazorati” guruhlari faoliyat olib borishdi. Guruh a’zolari deyarli barcha mahallalarga tashrif buyurib, fuqarolar tomonidan bildirilgan murojaatlar qayd qilinib, ijroga yo‘naltirildi. Ijrosi nazoratga olinib, haftalik tanqidiy tahlil amalga oshirilib kelindi.
Jamoatchilik nazorati fuqarolik jamiyatining asosi

Muallif:
010719977
10
iyul
+5
Vaxshivorda yoshlar uchun gala konsert tashkil etildi
Ayni saraton chillasida tog‘ bag‘rini ixtiyor etsangiz, tabiatimizga xos bo‘lgan ajoyibotlarga, beqiyos go‘zalliklarga guvoh bo‘lasiz. 
Vaxshivorda yoshlar uchun gala konsert tashkil etildi

Muallif:
010719977
10
iyul
+8
Termiz shahrida chiqindilarni yig’ish va saralash bio shaxobchasi foydalanishga topshirildi
Mamlakatimizda atrof-muhitni muhofaza qilishni ta’minlash, tabiiy resurslardan oqilona foydalanish, shuningdek, hududlarning sanitariya va ekologik holatini yaxshilash sohasida izchil siyosat amalga oshirilmoqda.
Termiz shahrida chiqindilarni yig’ish va saralash bio shaxobchasi foydalanishga topshirildi

Muallif:
010719977
09
iyul
+7
Vaxshivor: Muloqot - kelajak uchun najot
Mamlakatimizda yoshlarga yaratilayotgan sharoitlarning cheki chegarasi yo‘q, degan iborani bir kunda kamida uch-to‘rt marotaba eshitamiz. Albatta buning amaldagi isbotini muhtaram yurtboshimiz tomonidan yoshlarga yaratilayotgan imkoniyatlarda ham bevosita kuzatmoqdamiz.
Vaxshivor: Muloqot - kelajak uchun najot

Muallif:
010719977
08
iyul
+11

 *
© Surxondaryo viloyati hokimligi rasmiy sayti
www.uz
Sayt muallifi: "Axborot-kommunikatsiya texnologiyalarini rivojlantirish markazi" DUK