VILOYAT HOKIMINING SAYYOR QABULI: MUROJAATLAR YECHIMIGA XIZMAT QILIB
Viloyat hokimi sayyor qabuli, fuqarolar murojaati yechimi yo'lida Surxondaryo viloyati hokimi Bahodir Po‘latov Muzrabot tumanida sayyor qabul o‘tkazdi. Unda fuqarolarning murojaatlari, masalalarini ko‘rib chiqish va hal etish uchun viloyat, tuman hokimliklari mutasaddilari, sektorlar hamda 100 dan ziyod idora va tashkilotlar rahbarlari, Xalq qabulxonasi vakillari jalb etildi.
VILOYAT HOKIMINING SAYYOR QABULI: MUROJAATLAR YECHIMIGA XIZMAT QILIB

Muallif:
Matbuot xizmati
18
sen
+1
TERMIZ SHAHRIDA YANGI UY-JOYLAR FOYDALANISHGA TOPSHIRILDI
Viloyatimizning barcha hududlarida ulkan bunyodkorlik va obodonchilik ishlari amalga oshirilmoqda. Termiz shahridagi Farovon massivida ham qurib, foydalanishga topshirilgan jami 450 xonadondan iborat yetti qavatli 10 ta uy-joy shular jumlasidandir. Shu munosabat bilan tashkil etilgan tantanali tadbirda davlat va jamoat tashkilotlari vakillari, yangi uy sohiblari hamda ularning yaqinlari ishtirok etdi. Unda so‘zga chiqqanlar uy egalarini qizg‘in tabriklab, mamlakatimizda yangi uy-joylar qurish hisobiga aholining hayot darajasi va sifatini oshirish borasida olib borilayotgan ishlar xususida to‘xtalib o‘tishdi. “Saodatbonu-Aziza-Termiz” MChJ quruvchilari tomonidan bunyod etilgan ikki va uch xonali xonadonlardan iborat mazkur ko‘rkam uylar oilalarning farovon hayot kechirishi uchun barcha zarur sharoitlar bilan ta’minlangan. Hovlidagi sport maydonchalari bolajonlarning quvnoq qiy-chuvlari bilan to‘lganidan uy bekalari nihoyatda mamnun. Mehmonlar yangi uylarda yaratilgan sharoitlar bilan yaqindan tanishib chiqdilar. Tadbir sanatkorlar tomonidan tayyorlangan konsert dasturi bilan davom etdi.
TERMIZ SHAHRIDA YANGI UY-JOYLAR FOYDALANISHGA TOPSHIRILDI

Muallif:
Matbuot xizmati
15
sen
+2
DENOV TUMANIDA HOKIM VA TADBIRKORLAR UCHRASHUVI
Surxondaryo viloyatida tadbirkorlikni yanada rivojlantirish, bu borada ularga qulay shart-sharoitlar yaratib berish, shuningdek, faoliyati davomida uchrayotgan to‘siqlar, muammo va kamchiliklarni bartaraf etish maqsadida o‘tkazib kelinayotgan navbatdagi “Hokim va tadbirkorlar” uchrashuvi Denov tumanida tashkil etildi. Dastlab tuman markazidagi “Afrosiyob” istirohat bog‘ida tadbirkorlik sub’ektlari vakillarining zamonaviy savdo majmuasi, statsionar davolash markazi, hammom qurilishi, tomat pastalari, semichka yog‘, ayollar va bolalar paypoqlari, xo‘jalik sovuni va sochiq mahsulotlari ishlab chiqarish, chiqindilarni qayta ishlashni tashkil etish va boshqa istiqbolli investitsiyaviy loyihalari, eksport takliflari bo‘yicha taqdimotlari o‘tkazildi. Shundan so‘ng tuman hokimligi binosida tadbirkorlik sub’ektlari vakillari, viloyat tijorat banklari, aloqador boshqarma va tashkilotlar rahbarlari ishtirokida ochiq muloqot o‘tkazildi. Muloqot avvalida O‘zbekiston Respublikasi Prezidentining 2018 yil 13 sentyabrdagi “Hududlarda tadbirkorlik tashabbuslari va loyihalarini jadal amalga oshirishni tashkil etish chora-tadbirlari to‘g‘risida”gi qarori bilan tasdiqlangan Surxondaryo viloyatida tadbirkorlikni qo‘llab-quvvatlash va rivojlantirish bo‘yicha guruh faoliyati haqida qisqacha to‘xtalib o‘tildi. Muloqot davomida muammoga duch kelayotgan tadbirkorlar birma-bir tinglandi. Ular tomonidan aytilgan taklif va murojaatlarni qisqa muddatda qonuniy asosda hal etish bo‘yicha mutasaddilarga tegishli topshiriqlar berildi. Uchrashuvda O‘zbekiston Respublikasi Prezidenti Administratsiyasi mas’ul xodimi F.Jalilov ishtirok etdi.
DENOV TUMANIDA HOKIM VA TADBIRKORLAR UCHRASHUVI

Muallif:
Matbuot xizmati
15
sen
+2
“OILA” MARKAZINING YANGI BINOSI FOYDALANISHGA TOPSHIRILDI
O‘zbekiston Respublikasi Vazirlar Mahkamasi huzuridagi “Oila” ilmiy-amaliy tadqiqot markazi Surxondaryo viloyati boshqarmasining tubdan rekonstruksiya qilingan yangi binosining tantanali ochilish marosimida davlat va jamoat tashkilotlari vakillari, nuroniylar, yoshlar hamda Vazirlar Mahkamasi huzuridagi “Oila” ilmiy-amaliy tadqiqot markazi direktori D.Toshmuhammedova ishtirok etdi. Uch qavatli muhtasham binoda viloyat va Termiz shahar markazlarining samarali faoliyat yuritishi uchun barcha zamonaviy sharoitlar yaratilgan. Birinchi qavat “Oila” markazi bilan hamkorlikda ishlaydigan nodavlat tashkilotlarga ajratilgan. Ikkinchi qavatda shahar “Oila” markazi, boy kitob fondiga ega “Oila” kutubxonasi, o‘quv zallari, trenirlar uchun maxsus jihozlangan xonalar hamda fuqarolarni qabul qilish xonasi joylashgan. “Oila” markazining viloyat boshqarmasi uchinchi qavatga joylashgan. Bu yerda keng, yorug‘ faollar zali ham bunyod etilib, zamonaviy usulda jihozlangan. Yer to‘lada oshxona va omborxona qurilgan. Barcha qavatlarga kuzatuv kameralari o‘rnatilgani, xonalar zamonaviy axborot-kommunikatsiya jihozlari bilan ta’minlangani ham xodimlarning ish sifatini oshirishda muhim ahamiyat kasb etadi.  Tadbir ishtirokchilari zamonaviy qiyofada qad rostlagan ko‘rkam binoda yaratilgan qulayliklar bilan tanishdi.
“OILA” MARKAZINING YANGI BINOSI FOYDALANISHGA TOPSHIRILDI

Muallif:
Matbuot xizmati
15
sen
+2
Saylovlarda yangicha tartib
( O‘zbekiston Respublikasi Saylov kodeksi loyihasi - muhokamada ) Joriy yil 9 sentabr kuni viloyat hokimligida “O‘zbekiston Respublikasi Saylov kodeksi loyihasining muhokamasi” xalq deputatlari viloyat, shahar va tumanlar Kengashlari deputatlari ishtirokida videoselektor tarzida bo‘lib o‘tdi. 2018 yil 25 avgustdan 5 sentyabrga qadar viloyatning 7 ta tumanida “O‘zbekiston Respublikasi Saylov kodeksi loyihasining muhokamasi” mavzusida davra suhbatlari o‘tkazildi. Prezidentimiz Shavkat Mirziyoyev 2017 yil 22 dekabrdagi Oliy Majlisga Murojaatnomasida O‘zbekiston Respublikasining Saylov kodeksini ishlab chiqish va qabul qilish vazifasini qo‘ygan edi. 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini «Faol tadbirkorlik, innovatsion g‘oyalar va texnologiyalarni qo‘llab-quvvatlash yili»da amalga oshirishga oid davlat dasturi ijrosini ta’minlash, davlatimiz rahbari tomonidan belgilangan vazifalardan kelib chiqqan holda saylov kodeksi loyihasi ishlab chiqildi. Unda deputatlar, senatorlar, Fuqarolik jamiyati shakllanishini monitoring qilish mustaqil instituti, Adliya vazirligi, siyosiy partiyalar, Prezident huzuridagi Davlat boshqaruvi akademiyasi hamda Strategik va mintaqalararo tadqiqotlar instituti, Toshkent davlat yuridik universiteti vakillari, O‘zbekiston Respublikasi Markaziy saylov komissiyasi a’zolari va kotibiyatining mas’ul xodimlari, shuningdek, saylov huquqi sohasidagi tajribali mutaxassislar, ekspertlar, olimlar va amaliyotchilar ishtirok etishdi. O‘tkazilgan davra suhbatlari jarayonida saylov qonunchiligi mamlakat ijtimoiy-siyosiy hayotida muhim o‘rin tutishi haqida batafsil to‘xtalib o‘tildi. Loyihada Yevropada xavfsizlik va hamkorlik tashkilotining Demokratik institutlar va inson huquqlari bo‘yicha byurosi, Shanxay hamkorlik tashkiloti, Mustaqil davlatlar hamdo‘stligi, Butunjahon saylov organlari assotsiatsiyasi, Islom hamkorlik tashkiloti kabi xalqaro tashkilotlar missiyalarining tavsiyalari ham inobatga olinganligi qayd etib o‘tildi. Saylov kodeksi loyihasida O‘zbekiston Respublikasining saylovlar to‘g‘risidagi amaldagi “Fuqarolarning saylov huquqlari kafolatlari to‘g‘risida”, “O‘zbekiston Respublikasi Oliy Majlisiga saylov to‘g‘risida”, “O‘zbekiston Respublikasi Prezidenti saylovi to‘g‘risida”, “Xalq deputatlari viloyat, tuman, shahar Kengashlariga saylov to‘g‘risida”, “O‘zbekiston Respublikasi Markaziy saylov komissiyasi to‘g‘risida”gi qonunlarni unifikatsiyalash ko‘zda
Saylovlarda yangicha tartib

Muallif:
Matbuot xizmati
13
sen
+3
ISTE’DODLAR KAMOL TOPMOQDA
Termiz shahridagi 4-ixtisoslashtirilgan umumiy o‘rta ta’lim maktab-internatida o‘qitish jarayoniga ilg‘or metod va usullar, yangi pedagogik texnologiyalarning tatbiq qilinganligi, dars va mashg‘ulotlarda zamonaviy axborot-kommunikatsiya texnologiyalaridan keng foydalanilayotganligi o‘g‘il-qizlarning fanlarga qiziqishini oshirmoqda. Pirovardida, ta’lim sifati va samaradorligi yuksalib, ularning nufuzli davlat mukofotlari bilan taqdirlanishiga, turli xalqaro ko‘rik-tanlov hamda intellektual musobaqalarda zafar quchishiga zamin yaratmoqda.  Xususan, 2018 yilning mart oyida maktab-internatining 9-sinf o‘quvchisi Shaymardonova Muxlisa Usmonovna o‘zining iqtidori va ibratli faoliyati bilan tengdoshlariga o‘rnak bo‘lib kelayotgani uchun Zulfiya nomidagi Davlat mukofoti bilan taqdirlangan bo‘lsa, iyul oyida Bolgariyaning Burgas shahrida o‘tkazilgan maktab o‘quvchilari o‘rtasidagi matematika bo‘yicha xalqaro musobaqada 8-sinf o‘quvchisi Iskandar Bo‘riyevning bronza va kumush medallarini qo‘lga kiritishi ta’lim muassasasidagi sa’y-harakatlarning amaliy samarasidir. Kuni kecha viloyat hokimligida  video selektr shaklida o‘tkazilgan  “Hokimlik soati” da bu yoshlarning noyob iste’dodi va erishgan yutuqlari alohida e’tirof etildi.  Ularning o‘qish va ishlarida muvaffaqiyatlar tilanib, viloyat hokimligining esdalik sovg‘alari topshirildi. Bunday e’tiboru e’tirof vohada yana ming-minglab iste’dodning sayqal topishi, mahoratlar charxlanishi, buloqlar ko‘z ochishida muhim ahamiyat kasb etadi.
ISTE’DODLAR KAMOL TOPMOQDA

Muallif:
Matbuot xizmati
12
sen
+4
“PAXTA TERIMI - 2018” MEHNAT YARMARKASI O‘TKAZILDI
Joriy yilda paxta xomashyosi yetishtiruvchi fermer xo‘jaliklari uchun barcha shart-sharoitlar yaratilganligi, urug‘lik chigit, mineral o‘g‘it, yonilg‘i-moylash mahsulotlari o‘z vaqtida dala boshiga yetkazilib berilganligi, suvdan oqilona foydalanilganligi, dehqonu-fermerlarimizning fidokorona mehnatlari evaziga dalalarda mo‘l hosil to‘planishiga erishildi. Galdagi asosiy vazifa fidokorona mehnat hamda katta xarajat evaziga yetishtirilgan paxta hosilini qisqa muddatlarda va sifatli yig‘ib-terib olish ishlarini uyushqoqlik bilan tashkil etishdan iborat. Davlatimiz rahbari tashabbusi bilan majburiy mehnat sohasida amalga oshirilgan qator huquqiy o‘zgarishlar sababli joriy paxta yig‘im-terimi mavsumi davrida ham majburiy mehnatga yo‘l qo‘yilmaydi. Unda ixtiyoriy ravishda ishtirok etish istagini bildirgan fuqarolarga esa iqtisodiy manfaatga asoslangan sharoit yaratib berish zarur. Shunga muvofiq, bugun Termiz shahridagi Bobur nomli istirohat bog‘ida “Paxta terimi - 2018” mehnat yarmarkasi o‘tkazildi. Unda fuqarolarga terilgan 1 kg. paxta uchun terimchilarga belgilangan rejani bajarganligiga qarab 650 so‘mdan 1000 so‘mgacha, viloyatning Qiziriq va Muzrabot tumanlarida 950 so‘mdan 1300 so‘mgacha terim pullari berilishi, shuningdek, otryad tomonidan terilgan 80 tonna paxta xom ashyosi uchun otryad rahbarlariga 1 mln. so‘m, 80 tonnadan oshirilgan har tonna uchun 50 ming so‘mdan ish haqi to‘lab borilishi tushuntirildi. Yarmarka yakuniga ko‘ra, paxta yig‘im-terimiga ixtiyoriy ravishda ishtirok etish istagini bildirgan 430 nafar fuqaro Bandlikka ko‘maklashish markazlari tomonidan ro‘yxatga olindi.
“PAXTA TERIMI - 2018” MEHNAT YARMARKASI O‘TKAZILDI

Muallif:
Matbuot xizmati
12
sen
+5
O‘RGANISH NATIJALARI, TAHLIL VA NAZORAT
Mahallalardagi ijtimoiy-iqtisodiy va ma’naviy muhitni o‘rganish, aniqlangan muammolarni bartaraf etishga ko‘maklashish maqsadida 10 kun davomida Angor tumanida faoliyat olib borgan Respublika Ishchi guruhi kecha o‘z ishini yakunladi. O‘rganish natijalariga bag‘ishlab, bugun tumanda o‘tkazilgan yig‘ilishda O‘zbekiston Respublikasi Hisob palatasi raisi M.Ikromov, viloyat va tuman hokimliklari mutasaddilari, korxona va tashkilotlar rahbarlari, jamoatchilik vakillari ishtirok etdi. Yig‘ilishda ta’kidlanganidek, Respublika, viloyat va tuman ishchi guruhlari a’zolari mavjud 36 ta mahalladagi 21 718 ta xonadonning 21 391 tasi (98,5 foiz)da bo‘lishib, ularning muammolarini o‘rganishdi. Uyma-uy yurish natijasida aholi tomonidan turli yo‘nalishlarda jami 7085 ta masala ko‘tarildi. Ushbu masalalarning 1930 tasi o‘rganish davomida joyida hal etilgan bo‘lsa, qolganlarini ijobiy hal etilish bo‘yicha aniq manbalari va ijrochilari belgilangan yo‘l xaritasi shakllantirilmoqda. Fuqarolardan tushgan murojaatlar asosan gaz, elektr energiya va toza ichmlik suvi bilan ta’minlash, umumfoydalanish va ichki yo‘llarni ta’mirlash, sog‘liqni saqlash, bank kreditini ajratish, ishga joylashish masalalariga oid bo‘lib, aniqlangan kamchilik va muammolar yuzasidan mutasaddilarning   hisobotlari tinglandi.  O‘rganish davomida tumanga 300 dona maishiy gaz balonlari keltirilib, 150 tasi tarqatilganligi, 4 dona yangi transformator va 40 dona temir-beton tayanch o‘rnatilganligi, 4 ta ichimlik suvi qudug‘i va minorasi ishga tushirilib, 150 m suv quvurlari tortilishi natijasida 467 ta xonadon toza ichimlik suvi bilan ta’minlanganligi va boshqa bir qator bajarilgan ishlar e’tirof etildi. Yig‘ilishda aniqlangan kamchilik va muammolarni qisqa fursatlarda bartaraf etish yuzasidan aniq topshiriqlar berildi.
O‘RGANISH NATIJALARI, TAHLIL VA NAZORAT

Muallif:
Matbuot xizmati
11
sen
+1
“DUSHANBE-TERMIZ” XALQARO AVTOBUSINING ILK YO‘LOVCHILARI TERMIZGA KELDI
      Joriy yilning 8 centabrdan boshlab “Termiz-Dushanbe” hamda “Denov-Dushanbe” yo‘nalishlarida xalqaro avtobuslar qatnovi yo‘lga qo‘yilganligi haqida avval xabar bergan edik. Bugun esa Tojikistonning Dushanbe shahridan yo‘lga chiqqan xalqaro avtobus dastlab Sariosiyo tumanining “Chumchuqlijar” chegara-nazorat punktida tantanali ravishda kutib olindi. Mazkur chegara-nazorat punktida yaratilgan qulay sharoitlar “Dushanbe-Termiz” xalqaro avtobusining birinchi yo‘lovchilari bo‘lgan 28 nafar delegatsiya a’zolarini quvontirdi.
“DUSHANBE-TERMIZ” XALQARO AVTOBUSINING ILK YO‘LOVCHILARI TERMIZGA KELDI

Muallif:
Matbuot xizmati
11
sen
+4
ULUG‘LAR DUOSI – EL MUDDAOSI
Odatda biror ishni boshlashdan avval ota-onamizning, yoshi ulug‘ insonlarning maslahat va duolarini olamiz. Zero, maslahatli to‘y tarqamaydi, nuroniy otaxonu onaxonlarning duosi bilan boshlangan ish esa xayrli bo‘ladi. Bugun Termiz tumanidagi Al Hakim at-Termiziy ziyoratgohida ham shunday bo‘ldi. Dehqonu-fermerlarimizning fidokorona mehnatlari evaziga viloyatimiz dalalarida yetishtirilgan paxta hosilini qisqa muddatlarda va sifatli yig‘ib-terib olish ishlarini boshlashdan avval yoshi ulug‘ insonlar, voha faollari uchun dasturxon yozilib, osh tarqatildi. Nuroniylar fidokorona mehnat evaziga yetishtirilgan paxta hosilini yog‘in-sochinli kunlarga qoldirmasdan yuqori sifatda yig‘ib-terib olishda kuch-quvvat, xirmonlarimizning barakali, xalqimiz nasibasi ziyoda bo‘lishini tilab duoga qo‘l ochdilar.
ULUG‘LAR DUOSI – EL MUDDAOSI

Muallif:
Matbuot xizmati
10
sen
+2
QUMQO‘RG‘ON TUMANIDA SAYYOR QABUL O‘TKAZILDI
Bugun Qumqo‘rg‘on tumanining “Surxon sohili” mahallasida o‘tkazilgan sayyor qabul ham fuqarolarning kundalik hayotdagi mavjud muammolarni qonun doirasida hal qilish, amaliy yordam ko‘rsatish, huquq va manfaatlarini himoya qilib, adolat mezonini qaror toptirishga qaratildi. Unda ishtirok etgan fuqarolar viloyat hokimining o‘rinbosarlari, viloyat boshqarma va tashkilotlari, huquqni muhofaza qilish organlari rahbarlari, tuman hokimligi, davlat va jamoat tashkilotlari mutasaddilariga yechimini topolmayotgan masalalar bo‘yicha savollar berishdi.  Qabulda aholidan 193 ta  murojaat tushdi. Ularning aksariyati seldan talofot ko‘rgan xonadonlarni ta’mirlash, kommunal soha, yo‘l qurilishi, sog‘liqni saqlash, suv ta’minotiga aloqador bo‘lib, joyida hal qilish imkoni bo‘lgan og‘zaki murojaatlar yuzasidan ularning talablari qanoatlantirildi. Atroflicha o‘rganishni taqozo etadigan dolzarb masalalarni hal etish yuzasidan yechimini topish vakolatiga ega bo‘lgan davlat idoralariga muddat belgilanib, tegishli organlar tomonidan nazoratga olingan holda topshiriqlar berildi.
QUMQO‘RG‘ON TUMANIDA SAYYOR QABUL O‘TKAZILDI

Muallif:
Matbuot xizmati
04
sen
+1
BILASIZMI?
Darsliklar to‘plami uchun ijara to‘lovi miqdori respublika bo‘yicha yagona bo‘lib, uning narxlari 2018/2019 o‘quv yili uchun quyidagicha belgilangan: umumta'lim maktablarining birinchi sinf o‘quvchilari uchun – bepul; 2-sinflari uchun 12 ta darslikdan iborat to‘plamning ijara narxi 26 900 so‘mni; 3-sinflar uchun 11 ta darslikdan iborat to‘plamning ijara narxi 13 200 so‘mni; 4-sinflar uchun 11 ta darslikdan iborat to‘plamning ijara narxi 15 300 so‘mni; 5-sinflar uchun 13 ta darslikdan iborat to‘plamning ijara narxi 7 400 so‘mni; 6-sinflar uchun 15 ta darslikdan iborat to‘plamning ijara narxi 14 600 so‘mni; 7-sinflar uchun 16 ta darslikdan iborat to‘plamning ijara narxi 13 700 so‘mni; 8-sinflar uchun 17 ta darslikdan iborat to‘plamning ijara narxi 8 900 so‘mni; 9-sinflar uchun 17 ta darslikdan iborat to‘plamning ijara narxi 9 400 so‘mni; 10-sinflar uchun 17 ta darslikdan iborat to‘plamning ijara narxi 22 800 so‘mni; 11-sinflar uchun 19 ta darslikdan iborat to‘plamning ijara narxi 41 800 so‘mni tashkil qiladi.
BILASIZMI?

Muallif:
Matbuot xizmati
01
sen
+4

 *
© Surxondaryo viloyati hokimligi rasmiy sayti
www.uz
Sayt muallifi: "Axborot-kommunikatsiya texnologiyalarini rivojlantirish markazi" DUK